Éxodo 9:23 - La'aqtaqa Ñim Lo'onatac 'Enauacna 2013

²³ Nache so Moisés ỹachaxaasheguemec na piguem aso lashelte, nache Ñim Nataxala' namaq so nalataxa, nqashelgaxa qataq aso lache da talec na 'alhua ye Egipto.

Éxodo 9:23 Referans Kwoze

Salmos 18:13

Ñim Nataxala' maye Nataỹaña 'enauacna ỹalachigui naqa'en na piguem da lavilỹaxac, nache lỹatec ana lache qataq ana 'ettaigui poqopi.

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Ezequiel 38:22

'Am Gog, qataq na 'analleppi, qataq na qalota alleppi maye 'antaueetague', sauo'o qome ca qanhuaxanaguiiqui, qami' seroleguete ca napiina, qataq qaicorec qome na ntago'q, qataq so'ot qome da naañi ca lta'araic auot, qataq aca lache, qataq ca norec, qataq ca quiquiaxaraic.

Isaías 30:30

Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Salmos 77:18

Nache qaỹa'axaỹa na lalataxa Ñimaye, chemaqtapoigui ana daua'ache, nache ana 'alhua yo'oqchiguiñi souaxat na lqashelgaxa, nache ana 'alhua deraỹapec souaxat na nacholaxanaxa.

Salmos 29:3

Da lavilỹaxac Ñim Nataxala' huetaigui da l-llimiaxa na 'etaxat aso auaxai. Ñim Lo'onatac 'Enauacna maye ỹo'oxoraic ỹo'ot na nalataxa, Ñim Nataxala', Ñimaye huetalec aso qalochiguiñi auaxai.

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Apocalipsis 16:18

Nache huo'o so nqashelgaxa, qataq so nvilỹaxac, qataq so nalataxa qataq huo'o so lta'araic qalagoxoñi 'alhua, somaye ỹataqta napacalec 'enauac nam nacholaxanaxapi maye huo'o co'ollaq cheta'ague da huo'o na shiỹaxauapi ana 'alhua.

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

Éxodo 9:18

Qaq ỹoqo'oye qonte' 'eeta'am nagui, nache ñanacot aca qalota lache maye saishet da ỹauanapega da talec 'enauac na Egipto soua hua'au' vi'iye.

Éxodo 9:24

Nache naañi aso lache ỹataqta qaica ca loga't, ỹalecteguet so nqashelgaxa. Qaq 'enauac da chegoqta'ague ye Egipto, co'ollaq cheta'ague da no'otchiguiñi, ỹataqta sa ỹauanapega da nache 'eetec da huo'otaq naañi aca qalota lache.

Da na'aqtaguec so Job 37:13

Nache 'enauac namayepi ỹachegoxotchigui da ỹauo'o da nhuaxanaguec ana 'alhua, huo'otaq da ỹachaxan da lauotaxanaqtaic.

Salmos 147:17

Qataq namaq ana lache 'eeta'am naqa'en na loiquiaxa, qaq ¿negue'tom ca nala'aguet na latomaxa anamaye?