Éxodo 9:21 - La'aqtaqa Ñim Lo'onatac 'Enauacna 2013

²¹ Qaq som saishet da 'en naqa'en de'era la'aqtac Ñim Nataxala', nache hua'aqta'a so l-latacpi qataq so na'atetpi da nasattalec.

Éxodo 9:21 Referans Kwoze

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.

Ezequiel 40:4

Qaq se'eso shiỹaxaua, aỹem 'enapega, 'eeta': «Ñaq 'aulochigui qataq 'ana'axaỹaxaachigui 'enauac nam huotaique da 'am sachaxana, cha'aye Ñim Lo'onatac 'Enauacna 'am nauega ne'ena da yaqto' 'am sachaxana namayepi. Qaq qom ime, nache 'aua'aqtaxanem na nhuo' Israel le'ecpi 'enauac nam 'auauaachiguipi.»

Proverbios 24:32

Qaq can sela'a de'era nache ỹataqta soxotoigui da ñetoonaxac, qataq de'era sauaachigui aỹem ỹapaxaguen.

Da na'aqtaguec so Job 34:14

Qaq Ñimaye da nqattaxa so saqcha'a nca'alaxa, qataq da ỹaconalo naua na'a'che,

Da na'aqtaguec so Job 7:17

¿Ta'ainco' da 'auauotaico' da la'amaqchec ca choche shiỹaxauatto?, qataq ¿ta'ainco' da 'auqochetega camaye?

1 Crónicas 22:19

Qaq nagui, ỹataqta imauec qome da qarquiyaqteỹaxaqui qataq da qanachaalataxaqui, da qanmichiỹaique Ñim Nataxala' maye Qanatamnaxala'ai. Qaq ỹoqo'oye nagui, qauacoñiilec qome da qauo'oche aca atamnaxaqui maye lalamaqte Ñim Lo'onatac 'Enauacna maye Nataxala', da yaqto' añi arca maye laỹe' da aỹamaxataxac, qataq nam no'onataxanaxatpi maye qoỹanot co'ollaxa Ñim Nataxala', nache qanquigaxachiỹa qome acam atamnaxaqui maye qano'oxoosheguem da lalamaqte Ñim Nataxala'.»

1 Samuel 4:20

Ỹoqo'oye soua huetrague' asomaye, co'ollaq ilora'a da mashe ileetapigui', nache 'eetrego', 'eeta': 'Ana'añaxat, cha'aye mashe ñiguiñi natai' 'aỹa'alcolec. Qalaxaye asomaye sa ỹasat qataq saishet da ỹoqocha'alo soomaye,

Éxodo 7:23

Nache so faraón ỹe'eguelaxaua'a so lma' lta'araic, qataq saishet da huo'o ca ỹanaigui de'era.

Éxodo 9:20

Qaq huo'o so ltauapi so faraón so ñi'iỹa de'era la'aqtac Ñim Nataxala', nache ỹauo'o so lma' so l-latacpi qataq so na'atetpi.

Éxodo 9:22

Nache Ñim Nataxala' 'enapega so Moisés, 'eeta': «'Auachaxaasheguemec na 'arhuaq na piguem, yaqto' 'enauac na Egipto talec aca lache, qataq na shiỹaxauapi qataq na shiguiỹacpi, qataq ana nañiguishecpi maye huetaleguete naua lanaxanaqa'ate na Egipto le'ecpi».

Proverbios 22:3

Ca huo'o na ỹaỹaten da ila'a ca lchec nache naneltaxaneguet, qaq ca qaica ca ỹaỹaanapec qalaq nache queta ime qaq maiche nque'etaxangui camaye.