Éxodo 9:18 - La'aqtaqa Ñim Lo'onatac 'Enauacna 2013

¹⁸ Qaq ỹoqo'oye qonte' 'eeta'am nagui, nache ñanacot aca qalota lache maye saishet da ỹauanapega da talec 'enauac na Egipto soua hua'au' vi'iye.

Éxodo 9:18 Referans Kwoze

Salmos 83:15

ña 'aucanapec qome namayepi, 'aurolec na la'at lta'araic qataq 'aucolanaqchet qome 'auroleguete naua la'a'che lta'al.

2 Reyes 7:1

Nache so Eliseo 'enapeco': Ña 'ana'axaỹaxana da la'aqtac Ñim Nataxala' maye, 'eeta': «Qonte', qom mashe 'eeta'am nagui, qom huaña ye ñegueuo ne'ena Samaria, nache da qaimen ca siete litro na ỹataqta no'on 'ayiiña, nache 'oonole aca lcatole ana plata aca lasheue, qataq ca quince litro na cebada, nache 'oonole aca lcatole ana plata aca lasheue.»

1 Reyes 20:6

Qaq ỹoqo'oye qonte', qom 'eeta'am nagui ye ñichiguiña añi nala', nache samaq na ỹamaxashecpi, da yaqto' imeten 'enauac na huetaiguipi na nma' lta'araic, qataq na lma'pi nam 'artauapi, nache ca ỹataqta 'onaxaic, ỹacona qome namayepi da ỹauo'o lalamaxat.›»

1 Reyes 19:2

Nache aso Jezabel ỹamaq so lamaxashec da 'enapega so Elías, 'eeta': «Na atamnaxala'pi ỹataqta aỹem sa ỹala'ac da ỹauo'o ca ñeuaxanaguec qonte', qom ñaq 'eeta'am nagui da saishet da 'am se'enaqteeteguet da qonetec ñi 'oonolec som 'aualauatpi na'aqtaxanaxanecpi.»

2 Reyes 7:18

Qaq nache ỹataqta ipacchigui da la'aqtac so la'aqtaxanaxanec Ñim Lo'onatac 'Enauacna, co'ollaq 'eetega so nta'a, 'eeta': Qonte', nache huaña qome ye ñegueuo na Samaria, da qaimen na ỹataqta no'on 'ayiiña nache 'oonole ana lcatole ana plata aca lasheue, qataq da qaimen na quince litro na cebada, nache nataqa'en 'oonole ana lcatole na plata aca lasheue.

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Da na'aqtaguec so Job 37:13

Nache 'enauac namayepi ỹachegoxotchigui da ỹauo'o da nhuaxanaguec ana 'alhua, huo'otaq da ỹachaxan da lauotaxanaqtaic.

Da na'aqtaguec so Job 38:22

¿Peta'a mashe 'avira'a da 'aumeten ye naỹamaqtaqa' ana aloñi qataq ana lache,

Éxodo 10:6

Ỹataqta nlaqchigui qome na 'arma' lta'araic qataq na lma'pi na 'artauapi qataq 'enauac na lma'pi na Egipto le'ecpi. Damaye ỹataqta sa ỹauanapega so hua'au 'arta'alpi, qataq so 'arapiyelpi se'eso na'a'q co'ollaq ñaq huo'o, choche ivitta'a nagui.» Qaq co'ollaq ime da ltaxaỹaxac so Moisés, nache ncolliiñi, nache ca'ai so lma' lta'araic so faraón.

Éxodo 10:14

Nache 'enauac ye Egipto ỹataqta nlaqchigui ana shiiquioxoipi. Soua hua'au' vi'iye ỹataqta sa qaỹauanapega da nache 'eetec de'era, da ỹataqta qalota ana shiiquioxoipi, qaq saq 'ena'am se'eso na'a'q.

Éxodo 11:6

Nache imauec qome na Egipto huo'o ca na'alaxac. Damaye ỹataqta sa qaỹauanapega qataq sa lỹa qome da qaltaq qanauane'. Qaq 'era da la'aqtac Ñim Nataxala'.

Da na'aqtaguec so Job 38:23

maye saỹamaxattac da yaqto' samaq da ivita ca laloqo' da que'eenaxac, huo'otaq da huo'o ca loquiaxac qataq ca alaataxac?