Éxodo 9:17 - La'aqtaqa Ñim Lo'onatac 'Enauacna 2013

¹⁷ Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Éxodo 9:17 Referans Kwoze

1 Corintios 10:22

¿Qami' qauoitaique peta'a da dalemata qanqa'eñi Ñim Lo'onatac 'Enauacna? ¡Qomi' saishet da ñapagaqalec da la'añaxac Ñimaye!

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Isaías 45:9

Aca naco'oña 'alhua qalaq 'eeta'am camachaqaca lỹa, da saishet da ncotaỹapegue' cam ỹo'ot co'ollaxa acamaye. Qataq ca nshaxa saishet da 'enapega cam ỹo'ottac camaye da, 'eeta': «Negue't nam 'auo'ottac?» qataq cam mashe ime no'onatac saishet da 'enapega cam ỹo'ot camaye da, 'eeta': «'am sa 'auaỹaten da 'aro'onataxanaxac.»

Isaías 37:29

Qaq cha'aye Aỹem saỹaten da 'annogoxonaxac, qataq da 'año'oxonnaxac, nache Aỹem sanagui qome na 'armic aca colliichigui lcat, qataq sanagui na 'ap caua 'arqueenaxanaqa'ate, nache 'avi'eguelaqtegue ñaqa'en som nqa'aic maye 'auanacteuo'ogue co'ollaxa.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Isaías 10:15

Qaq ¿ishet peta'a aca qachepe da 'eetega ỹactec da la'amaqchec napacalec cam do'ogoxootega acamaye? Qataq cam nchegaxanaxat ¿napacalec peta'a cam dechegaxaatega camaye? ¡'Eeta'am aca nashelte, ye acamaye chochaq 'epaq qaq saishet da nachaca aca iraxaatapigui' cam shiỹaxaua maye ỹachetac acamaye!

Da na'aqtaguec so Job 40:9

¿Qalqo' 'aupi'itaxaatega da 'anapacalec da la'añaxac na ihuaq? ¿Peta'a ỹalachiguilo naqa'en naua 'ara'aqtaqa da 'eeta'am aỹem?

Da na'aqtaguec so Job 9:4

Cha'aye Ñimaye ỹataqta lta'araic da la'añaxac qataq da laỹaanec, ¿qaq negue'tom ca ishet da dataỹa'aguet Ñimaye nache qaica cara da nachaalataxac?

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 9:18

Qaq ỹoqo'oye qonte' 'eeta'am nagui, nache ñanacot aca qalota lache maye saishet da ỹauanapega da talec 'enauac na Egipto soua hua'au' vi'iye.

Ezequiel 28:6

Qaq ỹoqo'oye Ñim Nataxala', 'eeta': Cha'aye qonetega da 'am hueto'ot ca laỹaanataxanaxac ca atamnaxala',

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.