Éxodo 9:16 - La'aqtaqa Ñim Lo'onatac 'Enauacna 2013

¹⁶ Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 9:16 Referans Kwoze

Romanos 9:17

Ana nere maye huetalec na la'aqtacpi Ñim Lo'onatac 'Enauacna maye setaxaỹaxanaqtac nanettalec co'ollaq Ñimaye, 'enapega so nta'a maye ilotague' ye Egipto, 'eeta': «'Am sanagui da 'am nta'a, cha'aye sauotaique da sachaxan da ỹa'añaxac sachegoqchigui 'enauac nam 'am so'otec yaqto' 'enauac na shiỹaxauapi ana 'alhua aỹem ỹauatton.»

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Salmos 64:9

Huaña nache 'enauac na shiỹaxauapi huo'o naq 'enec naqa'en Ñim Lo'onatac 'Enauacna, qataq ỹa'axattac na lo'onatacpi, huaña nache qaỹaỹateeta na ỹo'otpi Ñimaye.

1 Crónicas 16:24

Qaua'axacheetac da llo'oxoyec Ñimaye, da qaualliquiitaigui na ỹotta'a't shiỹaxauapi, qataq qaua'aqtaxañim 'enauac na nhuo' le'ecpi, nam ỹo'ot da na'aalaxa maye ỹo'ot Ñimaye.

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Romanos 9:22

Qaq de'era 'eeta'am da ỹo'ot Ñim Lo'onatac 'Enauacna. Cha'aye Ñimaye huotaique da ỹachaxan da 'eetec da huo'o ca ỹauo'o ca nhuaxanaguec da yaqto' 'enauac ana 'alhua, qaỹaỹaten da Ñimaye ỹataqta huo'o da la'añaxac. Qalaxaye Ñimaye huo'o da lhualaxavic da na'añaxateguet nam taỹa'actaxa da nhuaxanaguec qataq qailaxachigui.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

1 Pedro 2:19

Ñim Lo'onatac 'Enauacna ỹaalec da nqouagaxa nam souaxat da ỹalaxaguet Ñimaye, nache huo'o da nque'eenaxac maye choche qaỹo'otec qataq na'añaxateguet.

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.

Éxodo 9:15

Qaq ỹoqo'oye 'am sachaxana da ỹa'añaxac da 'am seuaxan qataq na 'arhuo' le'ecpi, qami' seroleguete ca napiina, nache ishet da qami' pa'l ana 'alhua.

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Salmos 106:8

Qalaxaye Ñimaye nca'alaxatec somayepi, da yaqto' huo'o naqa'en da llo'oxoyec da le'enaxat Ñimaye, qataq yaqto' ỹachaxan da lta'araic la'añaxac.

Jeremías 32:20

'Am 'auo'ot nam sa qaỹauanapega, qataq na na'anecpi co'ollaq huaña ye Egipto, qaq nache ivitta'a nagui da ñaq 'auo'ottac da huaña na Israel, qataq nam laỹepi shiỹaxauapi, qaq ỹoqo'oye da 'are'enaxat ỹataqta qaỹoqtegue da na'aqtaguec.

Ezequiel 39:21

Aỹem sachaxana qome da ỹo'oxoyec na ỹotta'a't shiỹaxauapi. Qaq 'enauac qome na laỹepi ỹotta'a't shiỹaxauapi ỹauaachigui da 'eetec da ñimit qataq da sauo'o ca nhuaxanaguec.

Números 14:21

Qalaxaye, ye ỹataqta 'eesa da ñeca'altauec, qataq da ỹo'oxoyec imattalec ana 'alhua,

Josué 4:24

Qaq ỹoqo'oye 'enauac na shiỹaxauapi ana 'alhua, ỹaỹateeta da Ñim Nataxala' ỹataqta 'añaxaic, qaq ỹoqo'oye qami' ỹataqta nache 'eetai' qome da huo'o naq 'enec qanqa'eñi Ñim Nataxala' maye Qanatamnaxala'ai.›»

2 Samuel 7:23

Qataq qaica ca 'eeta'am ne'ena 'aralamaxat nhuo' le'ecpi, cha'aye ne'ena Israel le'ecpi, namaye nachenata ana'ana 'alhua. Qataq nache 'Am co'ollaxa da 'anqatec namayepi da yaqto' 'auauo'o 'aralamaxatpi, qataq ỹataqta ỹo'oxoraq 'anqa'en souaxat da ỹataqta lta'araic na 'auo'otecpi maye qaica ca 'ena'am da llo'oxoyec. Qataq ỹauaachigui 'anqa'en co'ollaxa ne'ena 'aralamaxatpi maye 'anqateeguesop ye Egipto, da 'auamaqauec so ỹotta'a't shiỹaxauapi qataq so natamnaxala'pi.

2 Reyes 19:35

Qaq nacheso se'eso pe, anac so lamaxashec Ñim Nataxala', nache ỹalauat so ciento ochenta y cinco mil ỹalleppi se'eso lanataqa' so Asiria le'ecpi. Qaq so nte'eta so lỹa na'a'q, nache somayepi huetaiya' da mashe ileu.