Éxodo 9:15 - La'aqtaqa Ñim Lo'onatac 'Enauacna 2013

¹⁵ Qaq ỹoqo'oye 'am sachaxana da ỹa'añaxac da 'am seuaxan qataq na 'arhuo' le'ecpi, qami' seroleguete ca napiina, nache ishet da qami' pa'l ana 'alhua.

Éxodo 9:15 Referans Kwoze

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Proverbios 2:22

na qauemaicpi qataq na que'emaqtaxanaxaicpi, qalaq qanapogosheguem qome qataq qaỹamaqauec.

1 Reyes 13:34

Qaq souaxato' de'era, nache so llalaqpi so Jeroboán 'enauac da huo'o da lasouaxashet, qataq ỹo'ot da qanmatchiguiñi somayepi da huetalec ana 'alhua.

Éxodo 14:28

Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 9:6

Qaq so lỹa na'a'q, nache Ñim Nataxala' ỹo'ot de'era. Nache 'enauac so Egipto le'ecpi ileu so na'atetpi, qaq so Israel le'ecpi saishet da huo'o ca 'oonolec so na'atetpi da ileu.

Éxodo 9:3

nache Ñim Nataxala' namaq qome da la'añaxac, talec naqa'en na 'ana'atetpi maye huetauga na no'onaxa, nache huo'o qome ca lapiina lta'araic. Nache ileu na caipi, 'ashenapi, nauanaxanaxapi, huacapi qataq ana qaguetapi›.

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

2 Reyes 17:36

Nacheñita Ñim Nataxala' maye qami' nqateeguesopa co'ollaxa ye Egipto, ỹauota'a da lta'araic la'añaxac. Nacheñita qome da huo'o naq 'enec qanqa'eñi, qavio'oxoreñiitac, qataq qaỹa'añiỹot ana qarachetaqtaxanaqche.

2 Samuel 7:23

Qataq qaica ca 'eeta'am ne'ena 'aralamaxat nhuo' le'ecpi, cha'aye ne'ena Israel le'ecpi, namaye nachenata ana'ana 'alhua. Qataq nache 'Am co'ollaxa da 'anqatec namayepi da yaqto' 'auauo'o 'aralamaxatpi, qataq ỹataqta ỹo'oxoraq 'anqa'en souaxat da ỹataqta lta'araic na 'auo'otecpi maye qaica ca 'ena'am da llo'oxoyec. Qataq ỹauaachigui 'anqa'en co'ollaxa ne'ena 'aralamaxatpi maye 'anqateeguesop ye Egipto, da 'auamaqauec so ỹotta'a't shiỹaxauapi qataq so natamnaxala'pi.

2 Reyes 19:35

Qaq nacheso se'eso pe, anac so lamaxashec Ñim Nataxala', nache ỹalauat so ciento ochenta y cinco mil ỹalleppi se'eso lanataqa' so Asiria le'ecpi. Qaq so nte'eta so lỹa na'a'q, nache somayepi huetaiya' da mashe ileu.