Éxodo 9:14 - La'aqtaqa Ñim Lo'onatac 'Enauacna 2013

¹⁴ cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

Éxodo 9:14 Referans Kwoze

Éxodo 8:10

Nache so faraón 'enapeco': «Qomye qonte'.» Nache so Moisés 'enapeco': «Aja', nache ipacchigui qome de'era 'ara'aqtac, yaqto' 'am 'auaỹateeta da qaica ca 'ena'am Ñim Nataxala' maye Lo'onatac 'Enauacna.

Apocalipsis 22:18

Qaq 'enauac qome na hua'aqchigui de'era la'aqtaxanaxac Ñim Lo'onatac 'Enauacna maye nanettalec ana'ana nere, aỹem seqata namayepi, sheeta': Da huo'o ca nqottenec nam nanettalec ana'ana nere, nache Ñim Lo'onatac 'Enauacna ỹauo'o ca lta'araic nque'eenaxac, iuaxaneque naua napaxaco maye nanettaleguete ana'ana nere.

Apocalipsis 18:8

Qaq ỹoqo'oye 'oonolec na'a'q ca imaigui da ỹaconeguet 'enauac na nhuaxanaguecpi: lqouaxa, nque'eenaxac qataq da l-leuaxa. ¡Qataq qairolec ca norec da qaỹavigaxat, cha'aye Ñim Nataxala', Ñim Lo'onatac 'Enauacna maye qaica ca ỹaqalanapec, maiche lhuennataxac da ỹauo'o ca nhuaxanaguec!»

Miqueas 6:13

Qaq ỹoqo'oye aỹem so'ot qome ca 'anhuaxanaguec, qataq 'am selaxachigui souaxat na 'arasouaxashetpi.

Jeremías 19:8

Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi.

Jeremías 10:6

Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.

Isaías 46:9

ña qauennachiỹa'a som so'ot co'ollaxa maye huaiguilo soua qaỹoqteguelo vi'iye. Aỹem, nachaỹem Atamnaxala', qaq qaica ca lỹa, aỹem Atamnaxala' qaq qaica ca lỹa da sheeta'am.

Salmos 86:8

Cha'aye qaica ca lỹa atamnaxala' da 'am 'eeta'am, 'Am Nataxala', qataq qaica ca no'onatac da 'eeta'am na 'aro'onatacpi.

1 Crónicas 17:20

'Am Nataxala', qaica ca lỹa 'am 'eeta'am, qataq qaica ca lỹa ỹaqauga atamnaxala' da sa'axasoqteguelec da 'am 'eeta'am.

1 Reyes 8:38

qaq no'on qome da 'aua'axaỹa ca natamnaxac, huo'otaq nachoxonnaxac, ca camachaqca shiỹaxaua, huo'otaq 'enauac nam 'aralamaxat nhuo' Israel le'ecpi, da ỹachaxaatra'ague naua lhua'q cam pa'aỹa'ague ana'ana atamnaxaqui,

2 Samuel 7:22

¡Qaq ỹoqo'oye 'Am Ỹataxala', ỹataqta qaica ca 'eeta'am da 'ara'amaqchec! Cha'aye qaica ca lỹa atamnaxala', da 'Am 'eeta'am da sa'axasoqteguelec naxa da qaỹa'axattac.

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Levítico 26:21

Nache da ñaq 'eetalec da Aỹem qandaqaitapeeguet, qataq saishet da Aỹem qaualaqaiguet. Qaq huaña, nache qaltaq siete da she'eguelaxalec qome da qami' seuaxa'n souaxat da qaye'etaxalqoi.

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Éxodo 9:15

Qaq ỹoqo'oye 'am sachaxana da ỹa'añaxac da 'am seuaxan qataq na 'arhuo' le'ecpi, qami' seroleguete ca napiina, nache ishet da qami' pa'l ana 'alhua.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Deuteronómio 3:24

«'Am Nataxala', 'Am 'auachaxana co'ollaxa ne'ena 'aramaxashec da 'ara'amaqchec qataq da 'ara'añaxac. Cha'aye qaica ca lỹa Lo'onatac 'Enauacna da neto'ot na piguem, huo'otaq ana 'alhua, da ishet da ỹo'ot nam qaica ca 'ena'am da llo'oxoyec maye ishet da 'auo'ot.

Deuteronómio 4:35

Qaq damaye qami' qaỹachaxanalo yaqto' qauaỹachiñiita da Ñim Nataxala' nacheñi Ñim Lo'onatac 'Enauacna, qataq qaica ca lỹa 'eeta'am Ñimaye.

Isaías 45:5

Aỹem nachaỹem Nataxala', qaica ca lỹa, qaica ca lỹa atamnaxala'. 'Am seqataxanai' co'ollaxa da yaqto' ishet da 'auloqui, na'aictaxa co'ollaxa da saishet da aỹem 'auauatton,

Jeremías 10:7

¿Negue'tom ca saishet da 'am ñi'iỹa, 'am Nta'a maye 'aulotague' na ỹotta'a't shiỹaxauapi? 'Am maye 'aiguet da huo'o naq 'enec qanqa'en. Cha'aye 'enauac na ỹaanaxanaxaicpi qataq na nta'alpi ana 'alhua qaica ca 'eeta'am 'am.

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.

Éxodo 8:6

Nache so Aarón, ỹachaxaasheguem na lhuaq da naloqteetelec 'enauac aso laỹe'pi na 'etaxat ye Egipto, nache 'enauac ye Egipto ỹataqta nlaqtelec ana miỹo maye nnoxoosheguem.