Éxodo 8:32 - La'aqtaqa Ñim Lo'onatac 'Enauacna 2013

³² Qalaxaye so faraón qaltaq ỹe'eguelaxalec da qaramchigui añi lquiyaqte, nache saishet da ỹashenec so Israel le'ecpi.

Éxodo 8:32 Referans Kwoze

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 8:31

Nache Ñim Nataxala' ỹasateguet da lashelaxanaxac so Moisés. Huaña, nache aso ncoga ca'ai so faraón, nataqa'en so ltauapi qataq som lauo' le'ecpi.

Éxodo 9:7

Nache so faraón damaxasoxoneuga da qaimeten so na'atetpi so Israel le'ecpi, nache ỹa'aalatec da saishet da huo'o ca 'oonolec da ileu. Qalaxaye ñaqaiyeta ỹataqta qaramchigui añi lquiyaqte, nache saishet da ỹashenec da jec so Israel llalaqpi.

1 Samuel 6:6

¿Ta'ainco' da qauacoñiỹa da qami' qaramchiguilo, da qoñiita'am da lataxac som egipciopi, qataq so faraón, maye Ñim Natamnaxala' ye Israel le'ecpi irolec co'ollaxa da sansatta lhuaxanaxanaxac, da yaqto' ỹasheetec da jec ye Israel le'ecpi?