Éxodo 8:30 - La'aqtaqa Ñim Lo'onatac 'Enauacna 2013

³⁰ Qaq co'ollaq choche huenoxonec so Moisés, da ca'ai so lma' lta'araic so faraón, nache nqouagaxaunot Ñim Nataxala'.

Éxodo 8:30 Referans Kwoze

Éxodo 8:12

Nache so Moisés qataq so Aarón, quera'ai so nỹec lta'araic maye lma' so faraón. Qaq co'ollaq ime de'era, nache so Moisés nqouagaxaunot Ñim Nataxala', souaxat aso miỹo maye maiche namaxaua'a Ñimaye so faraón.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Éxodo 8:31

Nache Ñim Nataxala' ỹasateguet da lashelaxanaxac so Moisés. Huaña, nache aso ncoga ca'ai so faraón, nataqa'en so ltauapi qataq som lauo' le'ecpi.

Éxodo 10:18

Nache so Moisés, co'ollaq choche ca'ai so lma' lta'araic so faraón, nache nqouagaxaunot Ñim Nataxala'.