Éxodo 8:29 - La'aqtaqa Ñim Lo'onatac 'Enauacna 2013

²⁹ Nache so Moisés 'enapeco': «Qom choche sheca'ai ne'ena, nache aỹem seỹaxanot Ñim Nataxala', da yaqto' nqateeguesop 'am ana ncoga nataqa'en na 'artauapi qataq na 'arhuo' le'ecpi, qalaxaye saishet qome da choche qomi' 'auatenachetta'ape da 'anqanaxattac na Israel le'ecpi, da yaqto' jec da ỹavigaxat aca lachetaqtaxanaqte da ỹanot Ñim Nataxala'».

Éxodo 8:29 Referans Kwoze

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Salmos 66:3

Qoñiita': «Na 'aro'onatacpi ỹo'ot da na'aalaxa. Qaq souaxat da 'ara'añaxac, nache na 'ampa'aguenaxauapi huañi, souaxat da lcolanaxa da qoneta.

Éxodo 9:30

Qalaxaye aỹem saỹateeta da 'am qataq na 'artauapi saishet da huo'o ca lcolanaxa Ñim Lo'onatac 'Enauacna maye Nataxala'.»

Jeremías 42:4

Nache so Jeremías ỹasateguet somayepi, 'eeta': Aja', ỹaỹamaqchiguiñi. Aỹem ñachoxonnot Ñim Nataxala' maye Qanatamnaxala'ai da qami' ñachoxoreeleguete, so'ot dam qarquiquiaxaqui, qaq ime nache qami' saỹaanaxaneque qome 'enauac cam aỹem ỹa'axatem Ñimaye, qaica qome ca qami' soxottaisopa.