Éxodo 8:28 - La'aqtaqa Ñim Lo'onatac 'Enauacna 2013

²⁸ Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Éxodo 8:28 Referans Kwoze

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

Hechos 8:24

Nache so Simón 'enapeco': –Aỹem qanqouagaxauñiilec, qauỹaxañiỹot Ñim Lo'onatac 'Enauacna, da yaqto' saishet da huo'o ca aỹem tagui 'enauac nam qaua'axacheetac.

Oseas 10:2

Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.

Esdras 6:10

Cha'aye sauotaique da camayepi qom ỹavigaxat ca lachetaqtaxanaxat nache ỹataqta ỹaỹamaxareeta Ñim Lo'onatac 'Enauacna maye neto'ot na piguem, qataq da nqouagaxaueelec da ñachaalataxac qataq na ỹalaqpi.

Éxodo 10:17

Qalaxaye qami' ñachoxonnoto da chaqnatac nagui da aỹem qauchoxoyiñi souaxat da ỹasouaxashet. Qataq aỹem qanqouagaxauñiilec qome da qanqouagaxauñiỹot Ñim Nataxala' maye Qanatamnaxala'ai, da yaqto' nqateeguesop aỹem de'era lhuaxanaxanaxac maye dalaataxanapec.»

Éxodo 8:29

Nache so Moisés 'enapeco': «Qom choche sheca'ai ne'ena, nache aỹem seỹaxanot Ñim Nataxala', da yaqto' nqateeguesop 'am ana ncoga nataqa'en na 'artauapi qataq na 'arhuo' le'ecpi, qalaxaye saishet qome da choche qomi' 'auatenachetta'ape da 'anqanaxattac na Israel le'ecpi, da yaqto' jec da ỹavigaxat aca lachetaqtaxanaqte da ỹanot Ñim Nataxala'».

Eclesiastés 6:10

Nam mashe huo'o nagui, qalaq mashe salcoshe'egue da qaỹauo'o na le'enaxat, nache qaỹaỹaten da lataxac ca ỹale da saishet da dataỹa'aguet cam napacalec da la'añaxac camaye.

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Jeremías 42:2

na'aqtaxanaxanec Jeremías nache 'enapega, 'eeta': Qomi' sauoqtaique da 'am seỹaxanaqot, qalaq no'on qome da saishet da qomi' 'anhualoxonapeguema. Ñaq 'anachoxonnot Ñim Nataxala' maye 'Anatamnaxala' da qomi' 'auỹaxaaleguete, qomi' maye saq qomi' lamai' da ño'onqañi. Co'ollaxa maye qomi' qalotoiguilo, qalaxaye nagui qalaq qomi' salamai' da ño'onqañi, qaq mashe qomi' 'aumeteeta'ape nagui.

Éxodo 3:19

Qalaxaye aỹem saỹateeta da ñim nta'a maye ilotague' ye netaña ye Egipto saishet qome da choche qami' ỹaxaarec, nato' qom serolec da ỹataqta lta'araic ỹa'añaxac.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.