Biblia Todo Logo
Bib sou entènèt

- Piblisite -




Éxodo 8:27 - La'aqtaqa Ñim Lo'onatac 'Enauacna 2013

27 Qaq no'on qome da ñeqo'onaxa ye toolec 'alhua, yemaye ivi' naua tres na'axa'te, qaq soviraxa. Huaña qome yemaye, qaq savigaxataq aca qarachetaqtaxanaqte da sanqot Ñim Nataxala' maye Qanatamnaxala', da yaqto' qomi' sepagaqtelec da la'aqtac Ñimaye.»

Gade chapit la Kopi




Éxodo 8:27
8 Referans Kwoze  

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.


Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»


So Nadab qataq so Abiú, maye llalqa so Aarón, soomaye ỹacoora soua laỹe't so nchenaxanaxat, nache ỹacherangui so norec qataq ỹavigaxat so nchenaxanaxat maye ama na laita, nache ỹaarot Ñim Nataxala', qaq de'era 'eeteque soomaye saishet da lataxac da namaxasoxonaxac.


Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.


Nataqa'en sachoq qome 'enauac ana qarelopi. Saishet da no'onañi ca 'oonolec shiguiỹac, cha'aye namayepi huo'o qome ca saconaxaua'a, da yaqto' sho'oxorenaq Ñim Nataxala'. Qaq ỹoqo'oye nagui da saxanaxa da sevitaxa ca ñeqo'onaqtega, qaq saxanaxa da saỹaanaq ca seuenaq da yaqto' sho'oxorenaq Ñim Nataxala'.»


Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»


Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»


Nache soomaye 'ena'apo': «Ñim Lo'onatac 'Enauacna maye Natamnaxala' na hebreopi, anac da qomi' itaua'n. Qaq ỹoqo'oye qomi' ñeqo'onaxa ye toolec 'alhua, qaq yemaye ivi' caua tres na'axa'te da qarqueuoxoc, qaq da sevitaxa nache savigaxataq aca qarachetaqtaxanaqte da sanqot Ñimaye, cha'aye da sa so'otaq damaye, nache saiueno'o' da qomi' iuaxaneque na nalolaxasat da qomi' ỹalaua't, huo'otaq souaqaigui ca alaataxac.»


Swiv nou:

Piblisite


Piblisite