Éxodo 8:23 - La'aqtaqa Ñim Lo'onatac 'Enauacna 2013

²³ Qaq aỹem seỹotauga qome na ỹalamaxatpi, nataqa'en nam 'aralamaxatpi. Qaq damaye nache huetoigui qonte'.»

Éxodo 8:23 Referans Kwoze

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Éxodo 8:24

Qaq 'era da 'eetec Ñim Nataxala'. Ime, qaq anac aso ỹataqta qalota ncoga, nache taua'a so lma' lta'araic so faraón, qataq so lma'pi so ltauapi qataq 'enauac ye 'alhua Egipto. Qaq souaxat aso ncoga, nache 'enauac ye 'alhua na'aqchet.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 9:5

Qataq Ñim Nataxala' ỹauo'o so laloqnec, nache 'enapeco': «Qonte', qaq huetoigui da so'ot de'era».

Éxodo 10:4

Cha'aye qom ñaq queta da 'anqanaxattac da yaqto' saishet da jec namayepi, nache qonte', qaq aỹem ñamaxalec aca shiiquioxoipi na 'ana'alhua.

2 Reyes 7:1

Nache so Eliseo 'enapeco': Ña 'ana'axaỹaxana da la'aqtac Ñim Nataxala' maye, 'eeta': «Qonte', qom mashe 'eeta'am nagui, qom huaña ye ñegueuo ne'ena Samaria, nache da qaimen ca siete litro na ỹataqta no'on 'ayiiña, nache 'oonole aca lcatole ana plata aca lasheue, qataq ca quince litro na cebada, nache 'oonole aca lcatole ana plata aca lasheue.»