Éxodo 8:21 - La'aqtaqa Ñim Lo'onatac 'Enauacna 2013

²¹ Cha'aye qom saishet da 'auashen da jec namayepi, nache aỹem 'am ñamaxa qome aca ncoga qataq 'enauac na 'artauapi, qataq nam 'arhuo' le'ecpi nataqa'en na 'arma'pi. Qaq ỹataqta nlaqchiguilo qome naua lma'ate na Egipto le'ecpi aca ncoga, ivira'alo naua lapiaqa'ate.

Éxodo 8:21 Referans Kwoze

Isaías 7:18

Qaq que'eca na'a'q Ñim Nataxala' yo'oxon qome, nache 'eeta'am aca lotaxañi da anac naqa'en ca shiỹaxauapi maye hueta'a cam ỹataqta qaỹoqta talapi ye Egipto, qataq 'eeta'am ca te'esaq lta'a lalaxat da anac naqa'en nam hueta'a ye Asiria.

Salmos 105:31

Qataq co'ollaq detaqa Ñim Lo'onatac 'Enauacna, nache imattalec 'enauac yi'iye 'alhua ana lotaxañipi qataq ana 'aỹatpi.

Salmos 78:45

Qataq namaxa aso ncoga da chec namayepi, qataq ana miỹo da nlaxaañi namayepi.

Éxodo 8:20

Nache Ñim Nataxala' 'enapega so Moisés, 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, cha'aye qonte' naxaama so tala ñemaxa. Ime, qaq qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Éxodo 8:24

Qaq 'era da 'eetec Ñim Nataxala'. Ime, qaq anac aso ỹataqta qalota ncoga, nache taua'a so lma' lta'araic so faraón, qataq so lma'pi so ltauapi qataq 'enauac ye 'alhua Egipto. Qaq souaxat aso ncoga, nache 'enauac ye 'alhua na'aqchet.

Éxodo 10:6

Ỹataqta nlaqchigui qome na 'arma' lta'araic qataq na lma'pi na 'artauapi qataq 'enauac na lma'pi na Egipto le'ecpi. Damaye ỹataqta sa ỹauanapega so hua'au 'arta'alpi, qataq so 'arapiyelpi se'eso na'a'q co'ollaq ñaq huo'o, choche ivitta'a nagui.» Qaq co'ollaq ime da ltaxaỹaxac so Moisés, nache ncolliiñi, nache ca'ai so lma' lta'araic so faraón.