Éxodo 8:19 - La'aqtaqa Ñim Lo'onatac 'Enauacna 2013

¹⁹ Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Éxodo 8:19 Referans Kwoze

Lucas 11:20

Qaq Aỹem da so'orauec nam saqcha'a na'añaxac leguemaxaicpi da so'onataxana da la'añaxac Ñim Lo'onatac 'Enauacna, nache damaye ỹachaxan de'era lo'onataxanaxac Ñimaye da mashe hueta'a ne'ena.

Salmos 8:3

Qaq naxa da semeteetac na piguem maye 'aro'onatac, qataq so ca'agoxoic qataq ana huaqaañipi maye 'aỹa'ano'ot co'ollaxa na piguem,

Mateo 12:28

Qaq Aỹem da so'orauec na saqcha'a na'añaxac leguemaxaicpi da so'otaxaatega da Saqcha'a La'añaxac Ñim Lo'onatac 'Enauacna. Qaq damaye ỹachaxan da lo'onataxanaxac Ñim Lo'onatac 'Enauacna da mashe hueta'a ne'ena.

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Hechos 4:16

Nache somayepi 'enapeco': –¿Ca 'eetec ca shenaqteque de'eraua ỹale't? Cha'aye daamaye sa seshetaq da sauoqo'o ca lasouaxashe't da shenaqtega da tenataxanaxaiqa, cha'aye de'era ỹo'ote'c se'eso ỹale ỹataqta sa qaỹauanapega, qataq 'enauac na hueta'a na Jerusalén ỹaỹaten de'era.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

1 Samuel 6:9

Qalaxaye qauloita'ague qome aca'aca naigona mañaxasaco' qom taigue da pa'aỹa'ague ye Bet Semes, ye maiche lalamaxat lma', qache nacheñi Ñim Natamnaxala' ye Israel le'ecpi Ñim chegoqo'ot de'era qauem maye qomi' huetaleguete. Qaq da huo'otaq saishet da 'eetec de'era, nache saỹatenaq qome da saishet da nacheñi Ñimaye Ñim qomi' iuaxa'n, maye chochaq maiche qarque'emaxa damaye.

1 Samuel 6:3

Nache somaye 'enapeco' da qavi'iguelaxache añi laỹe' da naỹamaxataxac Ñim Natamnaxala' ye Israel le'ecpi, nache saishet da choche qauamaqai, maye qauauo'oi cam qaỹa'añi nache qauacheetangui ca ishet da nqat da lalemataic Ñim Nataxala'. Huaña nache ishet da qami' no'oite' qome qataq qauaỹaañi da ta'ainco' da qami' saq ỹaxaayiñi Ñimaye da qami' iuaxaataleguete.

Éxodo 10:7

Nache so ltauapi so faraón, 'enapeco': «¿Chaq laguio', qaq ỹaxaañi da qomi' sa ỹalemaxa't se'esoua ỹale't? No'on taxa da 'aua'aqta'a da jec yi'iye shiỹaxauapi, da yaqto' natamnot cam Lataxala' maye Natamnaxala'. ¡Peta'a saisheto' da 'auanoma da mashe nlatañi na Egipto!»

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.

Génesis 41:24

Qaq se'esoua ala na trigo maye daqaqte' qalaq che'c soua siete ala na trigo maye 'onaxaiqa. Qaq aỹem mashe sa'aqtaxaateguem de'era nam ilaviigui ca lỹa, qalaxaye namayepi qaica ca ishet da aỹem da'aqtaxanem ca naigui se'eso ichoxonaxac.»

Éxodo 9:4

Qalaxaye Ñim Nataxala' iỹotauga qome na na'atetpi na Israel le'ecpi qataq na Egipto le'ecpi, da yaqto' saishet da ileu ca 'oonolec na na'atetpi na Israel le'ecpi.»

Éxodo 9:26

Qaq nachaqyeta ye 'alhua Gosén, maye netalec som Israel le'ecpi da saishet da talec aca 'oonole lache.

Éxodo 10:23

Nache ivittrec se'esoua na'axa'te da qaica ca ishet da ila'a ca lauoreua, nataqa'en qaica ca ishet da iraxan ca lma'. Qalaxaye 'enauac na lma'pi so Israel le'ecpi yo'oqchiguiñi.

Éxodo 11:7

Qataq yaqto' qami' ishet da qauaỹaañita da Ñim Nataxala' ỹataqta iỹotauga na Egipto le'ecpi qataq na Israel le'ecpi, qaq saishet qome da huo'o ca 'oonolec pioq da ito'oguet ca shiỹaxaua na Israel le'ecpi, huo'otaq ca shiguiỹac.