Éxodo 8:15 - La'aqtaqa Ñim Lo'onatac 'Enauacna 2013

¹⁵ Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 8:15 Referans Kwoze

Isaías 26:10

Qaq na'aictaxa da qaichoxoren na qauemaicpi, qalaxaye namayepi saỹaỹaten qome da ỹo'ot da nalochiguiñi lataxac, nacherata da ỹo'ottac da qauem da netalec na na'alhua nam no'on da lataxac, qataq saishet da iuennatega da la'amaqchec Ñim Nataxala'.

Hebreos 3:15

Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Nagui da qami' qaua'aqaichigui ca 'enapec Ñim Lo'onatac 'Enauacna, qalaq saishet da qami' qaramchiguilo, da qoñiita'am co'ollaxa so Israel le'ecpi maye saishet da huotaique da ỹalaq.»

Hebreos 3:8

qalaq saishet da qami' qaramchiguilo, da qoñiita'am da 'eetec co'ollaxa so Israel le'ecpi, maye saishet da huotaique da ỹalaq co'ollaq hualec so toolec 'alhua. Somayepi huotaique da ỹaỹaten ca tachiguiña da Ñim Lo'onatac 'Enauacna na'añaxateguet dam lataxac somayepi maye sa ỹalaq. Qaq ỹoqo'oye Ñim Lo'onatac 'Enauacna 'enapega somayepi, 'eeta':

Eclesiastés 8:11

Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 14:5

Qaq so nta'a ye Egipto co'ollaq ỹaỹaten da so Israel le'ecpi no'otauec, nache somaye qataq so nalleppi huo'o da ntogotaxac souaxat somayepi, nache 'enapeco': «¿Chaq ta'ainco' da sashenaqtec da jec so Israel le'ecpi, da yaqto' ỹaxaañi da qomi' do'onataxaatacoto?»

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 8:14

Nache so shiỹaxauapi natotac aso miỹopi leuaxai, qataq qalapoosheguem, ỹoqo'oye 'enauac yem qanayeuta'a 'alhua ỹataqta sa la'axaic na lchegueraxa.

Éxodo 8:16

Nache Ñim Nataxala' 'enapega so Moisés, 'eeta': «Qonapega qome ñi Aarón da ỹachaxaasheguem aca lashelte. Ime, qaq iuaxanoigui ca namoxoỹaxa da yaqto' nañigui 'aỹat nache talec 'enauac na Egipto».

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Éxodo 8:29

Nache so Moisés 'enapeco': «Qom choche sheca'ai ne'ena, nache aỹem seỹaxanot Ñim Nataxala', da yaqto' nqateeguesop 'am ana ncoga nataqa'en na 'artauapi qataq na 'arhuo' le'ecpi, qalaxaye saishet qome da choche qomi' 'auatenachetta'ape da 'anqanaxattac na Israel le'ecpi, da yaqto' jec da ỹavigaxat aca lachetaqtaxanaqte da ỹanot Ñim Nataxala'».

Éxodo 8:32

Qalaxaye so faraón qaltaq ỹe'eguelaxalec da qaramchigui añi lquiyaqte, nache saishet da ỹashenec so Israel le'ecpi.

1 Samuel 6:6

¿Ta'ainco' da qauacoñiỹa da qami' qaramchiguilo, da qoñiita'am da lataxac som egipciopi, qataq so faraón, maye Ñim Natamnaxala' ye Israel le'ecpi irolec co'ollaxa da sansatta lhuaxanaxanaxac, da yaqto' ỹasheetec da jec ye Israel le'ecpi?

Proverbios 26:11

Ca pioq ỹe'eguelaxa da chec ca alolaxat, qaq nache 'eetec ca qaica ca ỹaỹaanapec da ỹe'eguelaxa da qaica ca ỹaỹaanapec.

1 Samuel 6:3

Nache somaye 'enapeco' da qavi'iguelaxache añi laỹe' da naỹamaxataxac Ñim Natamnaxala' ye Israel le'ecpi, nache saishet da choche qauamaqai, maye qauauo'oi cam qaỹa'añi nache qauacheetangui ca ishet da nqat da lalemataic Ñim Nataxala'. Huaña nache ishet da qami' no'oite' qome qataq qauaỹaañi da ta'ainco' da qami' saq ỹaxaayiñi Ñimaye da qami' iuaxaataleguete.

1 Samuel 6:9

Qalaxaye qauloita'ague qome aca'aca naigona mañaxasaco' qom taigue da pa'aỹa'ague ye Bet Semes, ye maiche lalamaxat lma', qache nacheñi Ñim Natamnaxala' ye Israel le'ecpi Ñim chegoqo'ot de'era qauem maye qomi' huetaleguete. Qaq da huo'otaq saishet da 'eetec de'era, nache saỹatenaq qome da saishet da nacheñi Ñimaye Ñim qomi' iuaxa'n, maye chochaq maiche qarque'emaxa damaye.

1 Samuel 6:12

Ime, nache soua huaca je'c, nache quetregue so nqa'aic maye taỹa'a ye Bet Semes, nỹeetegueto qataq nache ỹalemaqtrec dam dataregue, qaica da huo'o ca huaỹoxoregue. Qaq som filisteopi jec nache ca'attraueegue soomaye, nache ivitta'a ye loga't ye Bet Semes.