Éxodo 7:7 - La'aqtaqa Ñim Lo'onatac 'Enauacna 2013

⁷ Qaq so Moisés mashe ivi' soua ochenta vi'iye da nachaalataxac, qaq so Aarón mashe ivi' soua ochenta y tres vi'iye da nachaalataxac, co'ollaq detaxairapegue' so faraón.

Éxodo 7:7 Referans Kwoze

Hechos 7:30

Qaq co'ollaq inoxoore'c soua cuarenta vi'iye, qaq so Moisés hueta'a ye toolec 'alhua maye saqaỹapeque añi qaỹoqotcheguemec 'alhua le'enaxat Sinaí. Huaña, nache nachaxana somaye so namaxashec piguem le'ec huetaigui aso qo'oipaq 'ettaigui.

Hechos 7:23

Qaq so Moisés co'ollaq mashe ivi't naua cuarenta vi'iye da llaxa, nache namaqtega so Israel le'ecpi cha'aye maiche lauo'.

Deuteronómio 34:7

Qaq so Moisés, ivi' ciento veinte vi'iye da nachaalataxac co'ollaq ileu, qaq somaye ñaq nauaachiguiñi qataq nalota't da la'añaxac.

Deuteronómio 31:2

«Aỹem mashe sevi' naua ciento veinte vi'iye, qataq mashe qaica ca ỹa'añaxac da sequeuotapigui' qataq da shecto'ot da aỹem qarataxala'ai. Qataq Ñim Nataxala', mashe aỹem icoyegueetac da saishet qome da sevira'a da sa'axasoxoolec ye tala Jordán.

Deuteronómio 29:5

Qaq ivittraue'c soua cuarenta vi'iye da qami' sauecta'agueta da qoquiitalec ye toolec 'alhua, yem huaña da saishet da ltoi' soua qorogolli' qataq soua qarapela'achilli'.

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Génesis 41:46

Qaq so José mashe ivi' co'ollaxa soua treinta vi'iye da nachaalataxac, co'ollaq qaỹauegueua'a so faraón, som nta'a ye Egipto. Qaq so José co'ollaq ca'ai yem hueta'a so faraón, nache jec da nqo'onalo naua 'aleu' 'enauac ye Egipto.

Éxodo 7:8

Nache Ñim Nataxala', 'enapega so Moisés qataq so Aarón, 'eeta':

Números 33:39

Qaq so Aarón, ivi' ciento veintitrés vi'iye da nachaalataxac co'ollaq ileu, hualec añi qasoxonaxa Hor.

Josué 24:5

Huaña co'ollaxa nache samaq so Moisés qataq so Aarón, nache aỹem seque'emaqchetec da nleuaxa so Egipto le'ecpi, nache ivitta'a da qami' ñeqatreguesopa yemaye.