Éxodo 7:3 - La'aqtaqa Ñim Lo'onatac 'Enauacna 2013

³ Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

Éxodo 7:3 Referans Kwoze

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 11:9

Qaq co'ollaq ime, nache Ñim Nataxala' 'enapega so Moisés, 'eeta': «Ñi faraón ỹataqta saishet da qami' ỹoqocha'alo, qalaxaye yaqto' nquictec da ỹo'oxoyec souaxat da so'otec na Egipto».

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 4:48

Nache So Jesús 'enapega somaye, 'eeta': –Qami' saishettaxa da qaua'amqaanataxañi da huo'otaq saxanaxa da qauauañiichigui na na'anecpi qataq nam sa qaỹauanapigui.

Salmos 135:9

Ñimaye namaxa co'ollaxa na na'anecpi, qataq na ỹo'ot da na'aalaxa som netangui na laiñi ye Egipto, da yaqto' dataỹa'aguet so faraón qataq 'enauac so ltauapi.

Miqueas 7:15

Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Deuteronómio 7:19

Cha'aye 'enauac da qoñiita qauauañiichigui co'ollaxa da lta'araic la'añaxac Ñim Nataxala' maye Qanatamnaxala'ai, qataq 'enauac so na'anecpi qataq so ỹo'ot da na'aalaxa co'ollaq qami' nqateeguesopa ye Egipto. Qaq 'era da 'eetec qome Ñim Nataxala' 'enauac yem shiỹaxauapi maye qañi'iitega.

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 4:29

Ime, nache soomaye je'c da laỹona't 'enauac so lqueroxonecpi so Israel le'ecpi.

Éxodo 4:7

Nache Ñim Lo'onatac 'Enauacna qaltaq 'enapega, 'eeta': «'avi'eguelaxalec da 'aushetoigui ana 'artogue na 'arhuaq.» Nache so Moisés qaltaq ỹe'eguelaxalec da ishetoigui ana ltogue na lhuaq. Qaq co'ollaq nqatec na lhuaq, nache qaltaq ipactegue da no'oitom, 'eeta'am da maiche lo'oxoỹaxac na lo'oc.

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.

Éxodo 11:10

Nache so Moisés qataq so Aarón, ỹo'o't 'enauac de'era ño'oxoyec, ỹauaachigui naqa'en so faraón, qalaxaye so faraón saishet da ỹashen da ca'ai ye Egipto so Israel le'ecpi, cha'aye Ñim Nataxala' nache 'ena'ac da somaye ỹataqta qaramchigui añi lquiyaqte.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Salmos 78:12

Ñim Lo'onatac 'Enauacna ỹo'ot co'ollaxa nam ỹo'ot da na'aalaxa ỹauaachigui naqa'en so qarta'ailpi huaña ye 'alhuapi ye Soán maye huaigui ye Egipto.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.