Éxodo 7:23 - La'aqtaqa Ñim Lo'onatac 'Enauacna 2013

²³ Nache so faraón ỹe'eguelaxaua'a so lma' lta'araic, qataq saishet da huo'o ca ỹanaigui de'era.

Éxodo 7:23 Referans Kwoze

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Habacuc 1:5

«Ñaq qaumichiñi qome na ỹotta'a't shiỹaxauapi, ñaq qaumichiñi nache huo'o qome da qara'aalaqai, cha'aye huo'o qome ca so'ot ne'enaua na'axa'te maye qoviitaiguilo, maye saishet da qaua'amaqchiñi da huo'o ca qami' da'aqtaxanema.

Ezequiel 40:4

Qaq se'eso shiỹaxaua, aỹem 'enapega, 'eeta': «Ñaq 'aulochigui qataq 'ana'axaỹaxaachigui 'enauac nam huotaique da 'am sachaxana, cha'aye Ñim Lo'onatac 'Enauacna 'am nauega ne'ena da yaqto' 'am sachaxana namayepi. Qaq qom ime, nache 'aua'aqtaxanem na nhuo' Israel le'ecpi 'enauac nam 'auauaachiguipi.»

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Proverbios 24:32

Qaq can sela'a de'era nache ỹataqta soxotoigui da ñetoonaxac, qataq de'era sauaachigui aỹem ỹapaxaguen.

Proverbios 22:17

Ỹataqta 'ana'axaỹaxanalo qome naua la'aqtaqa na ỹaanaxanaxaicpi, qataq 'aulotelec de'era 'am sapaxaguenec.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Da na'aqtaguec so Job 7:17

¿Ta'ainco' da 'auauotaico' da la'amaqchec ca choche shiỹaxauatto?, qataq ¿ta'ainco' da 'auqochetega camaye?

1 Samuel 4:20

Ỹoqo'oye soua huetrague' asomaye, co'ollaq ilora'a da mashe ileetapigui', nache 'eetrego', 'eeta': 'Ana'añaxat, cha'aye mashe ñiguiñi natai' 'aỹa'alcolec. Qalaxaye asomaye sa ỹasat qataq saishet da ỹoqocha'alo soomaye,

Deuteronómio 32:46

«Ỹataqta qauennataxañiilec qome 'enauac ne'ena qami' sa'aqtaxaateguema, qataq qauamaqailec na qoyalquipi da ỹataqta ỹo'ot qome 'enauac ne'ena napaxaguenataxanaxacpi.

Éxodo 9:21

Qaq som saishet da 'en naqa'en de'era la'aqtac Ñim Nataxala', nache hua'aqta'a so l-latacpi qataq so na'atetpi da nasattalec.

Éxodo 7:22

Qalaxaye na 'oiquiaxaipi ye Egipto nataqa'en do'onataxana da lo'oiquiaxac, ỹe'enaxa't soomaye. Qaq ỹoqo'oye so faraón ñaq 'eetalec da qaramchigui añi lquiyaqte. Qataq saishet da ỹoqocha'a de'era, qaq ipacchigui da 'enapec co'ollaxa Ñim Nataxala'.

Éxodo 7:24

Nache 'enauac so Egipto le'ecpi ỹo'ot ana lshere, ỹano'oto naua loiguiye so tala, da yaqto' nqatsheguem na no'on 'etaxat, cha'aye na 'etaxat so tala saishet da qanỹomigui.

Éxodo 9:20

Qaq huo'o so ltauapi so faraón so ñi'iỹa de'era la'aqtac Ñim Nataxala', nache ỹauo'o so lma' so l-latacpi qataq so na'atetpi.

Proverbios 28:14

Ỹataqta machiguiñi ca shiỹaxaua da huo'o naq 'enec naqa'en Ñim Nataxala', qalaxaye ca qaramta da lquiyaqteỹaxac qalaq taỹa'a da lachoxoyec.

Isaías 47:7

Qataq qonapec co'ollaxa: «Aỹem nache 'eetai' qome da aỹem nate'e», qaq saishet da 'auennataxaalec co'ollaxa de'era, qataq saishet da 'auennata'a ca 'eetec cam loga't damaye.