Éxodo 7:21 - La'aqtaqa Ñim Lo'onatac 'Enauacna 2013

²¹ Nache ileu so nỹaqpi maye huetangui so tala, nache se'eso tala ỹataqta nchega na laita, qaq ỹoqo'oye so Egipto le'ecpi saishet da nỹomgui na le'ec somaye. ¡Qaq nache 'enauac ye Egipto huo'o na ntago'q!

Éxodo 7:21 Referans Kwoze

Éxodo 7:18

Qataq nache ileu na nỹaqpi maye huetangui na tala, nache na tala ỹataqta qauem qome na laita, nache na Egipto le'ecpi ivira'a qome da ỹataqta deqaiga da nỹomgui na 'etaxat maye le'ec namaye.»

Apocalipsis 8:9

Huaña, nache ileu nam huetangui so 'oonolec naua tres lpa'axaco aso auaxai, qataq dolagui añi 'oonole naua tres ana notaxaquipi maye quiguingui na 'etaxat.

Éxodo 7:20

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'. So Aarón ỹachaxaasheguem aso lashelte, nache iuaxangui so 'etaxat so tala, ỹauaachigui naqa'en so faraón qataq so ltauapi. Nache 'enauac so 'etaxat so tala nañigui na ntago'q.

Éxodo 7:22

Qalaxaye na 'oiquiaxaipi ye Egipto nataqa'en do'onataxana da lo'oiquiaxac, ỹe'enaxa't soomaye. Qaq ỹoqo'oye so faraón ñaq 'eetalec da qaramchigui añi lquiyaqte. Qataq saishet da ỹoqocha'a de'era, qaq ipacchigui da 'enapec co'ollaxa Ñim Nataxala'.

Salmos 105:29

Qataq nañigui naqa'en na ntago'q so 'etaxat, nache ỹalauat so nỹaqpi.

Éxodo 8:14

Nache so shiỹaxauapi natotac aso miỹopi leuaxai, qataq qalapoosheguem, ỹoqo'oye 'enauac yem qanayeuta'a 'alhua ỹataqta sa la'axaic na lchegueraxa.

Isaías 19:8

Qaq 'enauac qome nam ya'acoxoicpi ye tala Nilo, ỹataqta daquicota qome qataq nỹeetac, nam ỹasaqteguingui naxa ana lqoina qataq na laleguec yi'iye 'etaxat qalaq ỹataqta qaica qome ca la'añaxac.