Éxodo 7:20 - La'aqtaqa Ñim Lo'onatac 'Enauacna 2013

²⁰ Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'. So Aarón ỹachaxaasheguem aso lashelte, nache iuaxangui so 'etaxat so tala, ỹauaachigui naqa'en so faraón qataq so ltauapi. Nache 'enauac so 'etaxat so tala nañigui na ntago'q.

Éxodo 7:20 Referans Kwoze

Salmos 105:29

Qataq nañigui naqa'en na ntago'q so 'etaxat, nache ỹalauat so nỹaqpi.

Salmos 78:44

Qataq co'ollaq nañigui naqa'en na ntago'q na 'etaxat maye huetangui na talapi, nache na Egipto le'ecpi saishet da nỹomigui se'eso 'etaxat.

Apocalipsis 8:8

Qaq so lỹa namaxashec piguem le'ec can ỹashiiyigui aso lasheere, nache qaỹasaxangui aso auaxai aso lcatam ana qaỹoqotcheguemec 'alhua, asomaye 'ettaigui. Nache so 'oonolec naua tres lpa'axaco aso auaxai nañigui na ntago'q.

Éxodo 4:9

Qalaxaye qom saishet da 'am qaỹa'amaqten, qataq da saishet da qaiqocha'alo ne'enaua dos na'aneqa, nache 'emaxaña ca 'etaxat aso tala Nilo qataq nache 'aucorelec na 'alhua. Nache que'eca 'emaxashec 'etaxat maye 'auachegoxotangui so tala, da huecorelec ana 'alhua, nache camaye nañigui na ntago'q.»

Éxodo 7:21

Nache ileu so nỹaqpi maye huetangui so tala, nache se'eso tala ỹataqta nchega na laita, qaq ỹoqo'oye so Egipto le'ecpi saishet da nỹomgui na le'ec somaye. ¡Qaq nache 'enauac ye Egipto huo'o na ntago'q!

2 Reyes 4:29

Nache so Eliseo 'enapega so Guejazí, 'eeta': Ña 'anaỹamaxat, qataq 'auacona ana ỹashelte, nache qojec. Qaq da huo'o ca 'anatena'aguet, nache saishet da 'auquin. Qataq da huo'o ca 'am iquin, nache saishet da 'auasateguet. Qaq qom 'avita que'eca nogotolec, nache 'auachalec na lashec camaye ana ỹashelte.

Habacuc 3:8

'Am Nataxala' ¿peta'a 'aualemataỹa nam talapi? Qalqo' ¿'aunotega peta'a anam auaxaipi? ¿Ỹoqo'oye qonelec nam 'arelo caaỹo, qataq qoñiguingui anam 'aigona maye huegaxanaxai?

Éxodo 7:6

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'.

Éxodo 7:10

Nache so Moisés qataq Aarón je'c da nqo'ooreua'a so faraón. Ime, nache ỹo'o't 'enauac dam ỹamaxaleguete Ñim Nataxala'. Nache so Aarón, ỹasaxauec aso lashelte, ỹauaachigui naqa'en so faraón qataq so ltauapi. Nache asa'aso nashelte nañigui na na'araxanaq.