Éxodo 7:17 - La'aqtaqa Ñim Lo'onatac 'Enauacna 2013

¹⁷ Qaq ỹoqo'oye Ñim Nataxala' da la'aqtac, 'eeta': Nagui nache chegoqchiguiña de'era so'ot, da yaqto' 'am 'auaỹateeta da aỹem maye Nachaỹem Nataxala'. Qaq ỹoqo'oye ana'ana nashelte maye ñasoqta'a, seuaxaangui qome na 'etaxat na tala, yaqto' na 'etaxat nañigui ntago'q.

Éxodo 7:17 Referans Kwoze

Éxodo 4:9

Qalaxaye qom saishet da 'am qaỹa'amaqten, qataq da saishet da qaiqocha'alo ne'enaua dos na'aneqa, nache 'emaxaña ca 'etaxat aso tala Nilo qataq nache 'aucorelec na 'alhua. Nache que'eca 'emaxashec 'etaxat maye 'auachegoxotangui so tala, da huecorelec ana 'alhua, nache camaye nañigui na ntago'q.»

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Ezequiel 39:28

huaña nache ỹaỹaten da Aỹem Nataxala' maye Natamnaxala', maye so'ot co'ollaxa da qaỹauega namayepi na ỹotta'a't shiỹaxauapi, qalaxaye co'ollaq ime nache qaltaq she'eguelaxa da llaỹona't da sanalec ye maiche na'alhua nache qaica co'ollaxa ca ño'onaxatañi.

Ezequiel 38:23

Qaq 'era da 'eetec qom sachaxana na qalota laỹepi nhuo' le'ecpi, da ỹa'amaqchec qataq dam qui'itta ỹataxac, Aỹem so'ot qome da aỹem ỹauatton namayepi, qaq nache huaña qome da ỹaỹaten da Aỹem nachaỹem Nataxala'.

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

Apocalipsis 8:8

Qaq so lỹa namaxashec piguem le'ec can ỹashiiyigui aso lasheere, nache qaỹasaxangui aso auaxai aso lcatam ana qaỹoqotcheguemec 'alhua, asomaye 'ettaigui. Nache so 'oonolec naua tres lpa'axaco aso auaxai nañigui na ntago'q.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Daniel 4:32

cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Ezequiel 32:15

Qaq ye Egipto qom she'eguelaxata da toolec, qataq qom qui'iteelec qaica ca netalec yi'iye 'alhua, nache huaña qome da ỹaỹaten da Aỹem nachaỹem Nataxala'.

Ezequiel 30:19

Aỹem sacoolec qome da ñimit ye Egipto, qaq huaña nache ỹaỹaten da Aỹem nachaỹem Nataxala'.»

Ezequiel 30:8

Qaq qom ivita da so'ot da ỹavic yi'iye 'alhua, qataq da dolachigui nam itauan yemaye, huaña nache ỹaỹaten da Aỹem nachaỹem Nataxala'.

Ezequiel 29:9

Qataq so'ot qome da 'am toolec, qaq huaña nache na shiỹaxauapi ỹaỹaten da Aỹem nachaỹem Nataxala'. 'Am maye qonapec naxa: Ye Nilo maiche ỹalamaxat, aỹem ỹo'onatac.

Salmos 105:29

Qataq nañigui naqa'en na ntago'q so 'etaxat, nache ỹalauat so nỹaqpi.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Salmos 78:44

Qataq co'ollaq nañigui naqa'en na ntago'q na 'etaxat maye huetangui na talapi, nache na Egipto le'ecpi saishet da nỹomigui se'eso 'etaxat.

2 Reyes 19:19

Qaq ỹoqo'oye nagui, 'Am Nataxala' maye Qanatamnaxala', ñaq qomi' 'anca'alaxateeguesopa da la'añaxac ye Asiria, yaqto' 'enauac na ỹotta'a't shiỹaxauapi ana 'alhua, ỹaỹaten da nache 'amta 'Am Nataxala', da 'Am Atamnaxala'.»

1 Reyes 20:28

Huaña, nache so la'aqtaxanaxanec Ñim Lo'onatac 'Enauacna, 'enapega so nta'a ye Israel, 'eeta': Ñim Nataxala', 'eeta': «Qaq souaxat da na siiriopi 'eeta' da la'aqtac: ‹Ñim Nataxala' maye Atamnaxala', Ñimaye qasoxonaxa le'ec, saishet da netaña na ca'amapega'tpi, ỹoqo'oye 'am sanem da 'oxonec namayepi, yaqto' 'auaỹateeta da Aỹem, nachaỹem Nataxala'.›»

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 7:20

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'. So Aarón ỹachaxaasheguem aso lashelte, nache iuaxangui so 'etaxat so tala, ỹauaachigui naqa'en so faraón qataq so ltauapi. Nache 'enauac so 'etaxat so tala nañigui na ntago'q.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Ezequiel 25:17

Qaq ỹataqta chaqaic qome ca ỹayeloxo qom she'eguelaxateguet namayepi. Qaq qom so'ot damaye, nache namayepi ỹaỹaten qome da Aỹem, nachaỹem Nataxala'.»

Ezequiel 32:6

Qataq sauota'a na 'artago'q da dapapta ñaqa'en na 'alhua, nache ivirasheguema ana qasoxonaxapi, qataq nlaxachigui naqa'en 'enauac na la'auaxacpi na talapi.