Éxodo 7:15 - La'aqtaqa Ñim Lo'onatac 'Enauacna 2013

¹⁵ Qalaxaye qonte' nte'etom, nache qojec qome, yaqto' ñimaye qom naxaama ye tala nache 'anauane'. Qataq nache 'auata'aguet qome, qoueto'ot na loigue so tala, qaq nache 'auachetac qome aca 'arashelte maye nañigui co'ollaxa na na'araxanaq.

Éxodo 7:15 Referans Kwoze

Éxodo 8:20

Nache Ñim Nataxala' 'enapega so Moisés, 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, cha'aye qonte' naxaama so tala ñemaxa. Ime, qaq qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 7:10

Nache so Moisés qataq Aarón je'c da nqo'ooreua'a so faraón. Ime, nache ỹo'o't 'enauac dam ỹamaxaleguete Ñim Nataxala'. Nache so Aarón, ỹasaxauec aso lashelte, ỹauaachigui naqa'en so faraón qataq so ltauapi. Nache asa'aso nashelte nañigui na na'araxanaq.

Éxodo 2:5

Qaq co'ollaq mashe lcopa'a, nache aso llale so faraón taxaama aso tala da nachel. Qaq soua lamaxashel co'ollaq ñaq quetro'ot na loigue aso tala, nache asomaye ilaxaama aso npaqtole, netaigui so na'aatesat. Nache ỹamaq aso 'oonole soua lamaxashel da ỹe'eguenaxaama asomaye.

Ezequiel 29:3

Qoneta': 'Era da la'aqtac Ñim Nataxala', 'eeta': Aỹem ñechoxot da 'am ñepa'aguenaxaua, 'am faraón maye 'am nta'a ye Egipto, 'am shiguiỹac lta'araic maye 'annaatangui aso tala nache qoneta', naxa: Na tala Nilo maiche ỹalamaxat, aỹem ỹo'onatac.

Éxodo 7:14

Ime, nache Ñim Nataxala' 'enapega so Moisés, 'eeta': «Ñi faraón ỹataqta qaramchigui, qataq saishet da ỹashen da jec na Israel le'ecpi.

1 Crónicas 16:21

qaq Ñim Lo'onatac 'Enauacna saỹasheneguet da saqaiyacnapec somayepi, qaq souaxat da lauotaxanaqtaic nache nhuogaxa so nta'alpi, 'eeta':