Éxodo 7:11 - La'aqtaqa Ñim Lo'onatac 'Enauacna 2013

¹¹ Nache so faraón damaxasoxoneuga so ỹaanaxanaxaicpi qataq som 'oiquiaxaipi. Nache somayepi nataqa'en do'onataxana da lo'oiquiaxac da ỹe'enaxa't soomaye:

Éxodo 7:11 Referans Kwoze

Éxodo 7:22

Qalaxaye na 'oiquiaxaipi ye Egipto nataqa'en do'onataxana da lo'oiquiaxac, ỹe'enaxa't soomaye. Qaq ỹoqo'oye so faraón ñaq 'eetalec da qaramchigui añi lquiyaqte. Qataq saishet da ỹoqocha'a de'era, qaq ipacchigui da 'enapec co'ollaxa Ñim Nataxala'.

2 Timoteo 3:8

Namayepi 'eeta'ama soua huo'o da no'onataxa'c Janes qataq so Jambres maye dataira'aguet co'olloxocheye so Moisés. Nataqa'en ne'ena shiỹaxauapi ỹataqta dataỹa'aguet da 'eesa lataxac maye na'aqtaguec Ñim Lo'onatac 'Enauacna. Namayepi mashe sotaq ỹaỹamaq da lauattonaxanaxac, qataq sa ỹaỹaten da llec da qaipi'iỹa'a Ñim Lo'onatac 'Enauacna.

Éxodo 8:18

Nache so 'oiquiaxaipi nataqa'en huotaique da nauegueuo ana 'aỹat qalaxaye saỹañoxot. Qaq ỹoqo'oye aso 'aỹat ỹataqta lamaaxa sa ỹauo'o ca ldaqa' so shiỹaxauapi qataq so shiguiỹacpi.

Éxodo 8:7

Qaq som 'oiquiaxaipi nataqa'en ỹo'ot da lo'oiquiaxac, nataqa'en nauegueua'alo naua 'aleu' ye Egipto ana miỹo.

2 Ts 2:9

Da lviraxac que'eca 'etaxaloxoic nactaigui da ltaunaxanaxac so pa'aguenataxanaxaic, nache da lviraxac ỹataqta lta'araic da la'añaxac, ỹo'ot na na'anec qataq ỹo'ot na sa qaỹauanapega.

Daniel 2:2

Qaq huaña nache damaxasoxoneuga 'enauac som 'oiquiaxaipi, qataq som ilaviigui ca lỹa, qataq so 'iyaxaic lo'opi, qataq so ỹaanaxanaxaicpi, da yaqto' somayepi da'aqtaxanem somaye ca naigui se'eso lchoxonaxacpi. Nache somayepi jec da nachaateua'a so nta'a,

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

Daniel 2:27

Nache so Daniel ỹasat, 'eeta': Qaica ca ỹaanaxanaxaic, huo'otaq ca ilaviigui ca lỹa qataq ca huo'o da no'onataguec, huo'otaq cam napaxagueetega ana huaqaañipi da ishet da 'am da'aqtaxanem de'era saqcha'a, maye huotaique da 'auaỹaten 'am nta'a.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

2 Timoteo 3:9

Qalaxaye namayepi saqaỹa'ague qome da llecỹaxac, cha'aye saqaỹaloq da qaỹaỹaana'a't da qaica ca ỹaỹaanapec. 'Eeta'ama soua Janes qataq so Jambres.

Éxodo 7:12

qaq ñi 'oonolec somayepi nache ỹasaxauec aso lashelte, nache aso nasheltepi nañigui na na'araxanaq. Qalaxaye aso lashelte so Aarón nache chec 'enauac aso lasheltepi se'eso ỹaanaxanaxaicpi qataq so 'oiquiaxaipi.

1 Samuel 6:2

Nache so filisteopi laỹona'to' so ltaxaỹaxanaxanecpi qataq so ilaviigui ca lỹa da yaqto' inat, 'eeta': ¿Ca shenaqtec añim laỹe' da naỹamaxataxac Ñim Nataxala'? Ña qomi' qaua'aqtaxañima ca shenaqtec da she'eguelaxataxa ye maiche lma'.

Daniel 4:6

Ime nache samaxasoxoneuga da aỹem qanauegueua'a 'enauac so ỹaanaxanaxaicpi na Babilonia, da yaqto' aỹem da'aqtaxanem cam naigui so ichoxonaxac.

Éxodo 8:3

Nache so tala ỹataqta demalle ñaqa'en qome aca miỹo. Ime, qaq chegoqchiguingui qome somaye aca miỹo da taigui ñi 'arma' lta'araic qataq yem 'aro'ochaqa' qataq nam lma'pi na 'artauapi qataq 'enauac nam 'arhuo' le'ecpi qataq ana nqatelaxanaxaquipi qataq ye ndaqnaxanaqa' da qaỹo'ot ana nauole 'ayiiña.