Éxodo 6:9 - La'aqtaqa Ñim Lo'onatac 'Enauacna 2013

⁹ Nache so Moisés ỹa'axatem de'era so Israel le'ecpi. Qalaxaye somayepi saishet co'ollaxa da ỹoqocha'a, cha'aye mashe saqca ca la'añaxac souaxat da qapa'atta nlataguec.

Éxodo 6:9 Referans Kwoze

Da na'aqtaguec so Job 21:4

¿Qalqo' qaupichiitega da shectapeguelec ca choche shiỹaxauatto? Qataq ¿ta'ainco' da qaupi'itaxañiitega, da imeuo da iualaxavic?

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Proverbios 14:19

Na qauemaicpi qalaq ỹa'aroto naua l-llecte na soxoraicpi, qaq na qauem da lataxac qalaq nachoxoreetacot qataq hueta'a ca nasom na no'on da lataxac.

Números 21:4

Nache so Israel le'ecpi ca'ai añi qasoxonaxa ye Hor, nache quetegue so nqa'aic maye taỹa'a aso Auaxai Togaxarai, nache queto'ot na loigue ye 'alhua Edom. Qalaxaye co'ollaq ñaq qanayectalec so nqa'aic, nache so shiỹaxauapi huo'o da lqalviaxa,

Éxodo 14:12

Mashe 'am shenaqtega mque' co'ollaq ñaq souaqta'a ye Egipto shenaqta'. ¡Ña qomi' 'aua'aqta'alo da so'onataxanaqtacot na Egipto le'ecpi! ¡Cha'aye no'on ctaxa da choche qomi' l-lataqa yemayepi, qaq saq 'ena'am da choche ñanaxauga na toolec 'alhua da qarleuqa'!»

Éxodo 1:14

Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Éxodo 6:10

Nache Ñim Nataxala' 'enapega so Moisés, 'eeta':

Proverbios 18:14

Ca dalolaxaic qalaq nachaañi naqa'en da maiche la'añaxac, qaq ca qaica ca la'añaxac qalaq ¿negue'tom ca ishet da nauaxaỹaxaasheguem?