Éxodo 6:7 - La'aqtaqa Ñim Lo'onatac 'Enauacna 2013

⁷ Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 6:7 Referans Kwoze

Deuteronómio 29:13

Qaq 'era da 'eetec nagui da 'itchiguiñi da ỹataqta qami' lalamaqa'ate qami' nhuo' le'ecpi, qataq Ñimaye nacheñi Ñim Qanatamnaxala'ai, 'eeta'am co'ollaxa da 'eetec da naỹamaxateto soua hua'au' qarta'alli' Abraham, Isaac qataq so Jacob.

Deuteronómio 7:6

Cha'aye qami', ỹataqta qami' qaiỹotaugalo da qami' lalamaqa'ate Ñim Nataxala' maye Qanatamnaxala'ai. Qataq Ñimaye qami' lca'agui'she co'ollaq lca'agui 'enauac na shiỹaxauapi ana 'alhua da yaqto' qami' lalamaxatpi.

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Deuteronómio 26:18

Qaq nataqa'en nagui, Ñim Nataxala', 'am da'aqtaxanem da 'am Israel, ỹataqta 'am lalamaxat, nache ipacchigui da ỹan la'aqtac co'ollaxa, ỹoqo'oye ỹataqta 'aualaxaguet qome 'enauac na lamaxasoxonaxacpi.

Deuteronómio 14:2

Cha'aye Ñim Nataxala' maye Qanatamnaxala'ai ỹataqta qami' iỹotaugalo, Ñimaye qami' lca'agui'she co'ollaq lca'agui na shiỹaxauapi ana 'alhua da yaqto' ỹataqta qami' lalamaqa'ate.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Mateo 22:32

«Aỹem maye Nachaỹem Natameetacot so Abraham, Isaac qataq so Jacob.» Qaq saishet da Natameetacot Ñimaye na leuaxaicpi, nachaqnata nam nca'altauecpi, cha'aye Ñimaye 'enauac nca'altauec naqa'en na shiỹaxauapi.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Oseas 1:10

Qalaxaye ñaqaiyeta ne'ena Israel le'ecpi ỹataqta qalota qome, nache 'eeta'am na coma' lsoche maye auaxai le'ec, nache qaica ca ishet da naloqten ca tachiguiña qataq ye lcata namayepi. Qaq qom qoỹeeta': «Qami' saishet da qami' ỹalamaxatpi», qalaxaye Ñim Lo'onatac 'Enauacna qami' 'enapegalo, 'eeta': «Qami', nache qami' llalaqpi Ñim Lo'onatac 'Enauacna maye nca'altauec.»

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Isaías 41:20

yaqto' 'enauac na shiỹaxauapi da ila'a qataq ỹaỹaten, qataq deuennataxaalec qataq ỹaỹateeta da Aỹem Nataxala', maye so'ot de'era serolec da ỹa'añaxac. Aỹem Qui'itta Natamnaxala' na Israel le'ecpi maye so'ot co'ollaxa 'enauac ne'enapi.

Salmos 81:6

«'Am ñeqateeguesop so 'aya'ac maye huetaleguete naua 'arallaco, qataq naua 'arhuaxaye da yaqto' saqallegueme da ỹache na qapa'atta.

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 2:11

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye.

Éxodo 16:6

Qaq so Moisés qataq so Aarón, 'enapega so Israel le'ecpi, 'eeta': «Ne'ena avit qami' qauaỹaañi da Ñim Nataxala' nacheñi ñi qami' nqateeguesopa ye Egipto.

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 11:45

Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Isaías 49:26

Qataq nam 'am ique'eteetalec naxa so'otec qome da chec na maiche lapat qataq da nỹomgui na maiche ltago'q 'eeta'am naqa'en ca lataxa. Qaq 'era da 'eetec qome da 'enauac na shiỹaxauapi ỹaỹaten da Aỹem, Aỹem Nataxala' nachaỹem 'arca'alaxaqui. Qataq da Aỹem maye la'añaxanec so Jacob, nachaỹem 'arca'alaxaqui.»

Isaías 60:16

Qaq nam ỹotta'a't shiỹaxauapi 'am ỹanem qome na ỹataqta no'on nallec, qataq na lta'alpi 'am ndotega qome da lsallaxa, qaq huaña qome nache 'auauattoota da aỹem, nachaỹem Nataxala', Aỹem 'arca'alaxaqui, Aỹem maye aỹem la'añaxanec so Jacob, nachaỹem 'arca'alaxaqui.

Isaías 63:8

Qaq Ñimaye, 'enapec co'ollaxa: «Ne'ena nhuo' le'ecpi maiche ỹalamaxatpi, ne'ena ñalaqpi saishet qome da Aỹem ỹatenachet.» Nache Ñimaye nca'alaxateeguesop 'enauac da laquicoxo namayepi.

Jeremías 30:22

Qaq qami' nache qami' ỹalamaqa'ate qome, qataq Aỹem qanatamnaxala'ai.»

Ezequiel 20:19

Qataq shenapega co'ollaxa somayepi, sheeta': Aỹem nachaỹem Nataxala', maye Aỹem Qanatamnaxala'ai. Qoquiitelec qome na iqataxacpi, qataq na llapaxañi lataxacpi,

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Éxodo 7:17

Qaq ỹoqo'oye Ñim Nataxala' da la'aqtac, 'eeta': Nagui nache chegoqchiguiña de'era so'ot, da yaqto' 'am 'auaỹateeta da aỹem maye Nachaỹem Nataxala'. Qaq ỹoqo'oye ana'ana nashelte maye ñasoqta'a, seuaxaangui qome na 'etaxat na tala, yaqto' na 'etaxat nañigui ntago'q.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 14:18

Qaq qom mashe ime, da sachegoxotchigui na faraón, qataq 'enauac ana naigonapi, qataq na caipi da sachaxan da ỹa'añaxac, huaña qome nache na Egipto le'ecpi ỹaỹateeta da Aỹem Nachaỹem Nataxala'.

Éxodo 15:2

Qaq da ỹo'onec sanot Ñim Nataxala', cha'aye Ñimaye nacheñi ñi ỹa'añaxac qataq ica'alaxa. Ñimaye nacheñi Ñim Ñatamnaxala' maye Lo'onatac 'Enauacna, qaq ỹoqo'oye sho'oxoren, Ñimaye nacheñi Ñim Natamnaxala' so ita'a, qaq ỹoqo'oye lta'araic da ỹo'oxonnataxanaxac Ñimaye.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Números 15:41

Aỹem Nachaỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' Aỹem Qanatamnaxala'ai. Nachaỹem Nataxala' maye Qanatamnaxala'ai.»

Deuteronómio 29:5

Qaq ivittraue'c soua cuarenta vi'iye da qami' sauecta'agueta da qoquiitalec ye toolec 'alhua, yem huaña da saishet da ltoi' soua qorogolli' qataq soua qarapela'achilli'.

Deuteronómio 29:12

da yaqto' qaltaq qanaỹamaxachi' Ñim Nataxala' maye Qanatamnaxala'ai, maye lapaxañi nagui de'era naỹamaxataxac da yaqto' qami' naỹamaxateto, ỹachegotchigui da ỹan la'aqtac.

1 Reyes 8:60

yaqto' 'enauac na ỹotta'a't shiỹaxauapi ana 'alhua, ỹauattoota da Ñim Nataxala', nacheñi Ñim Lo'onatac 'Enauacna, qataq qaica ca lỹa.

1 Reyes 20:28

Huaña, nache so la'aqtaxanaxanec Ñim Lo'onatac 'Enauacna, 'enapega so nta'a ye Israel, 'eeta': Ñim Nataxala', 'eeta': «Qaq souaxat da na siiriopi 'eeta' da la'aqtac: ‹Ñim Nataxala' maye Atamnaxala', Ñimaye qasoxonaxa le'ec, saishet da netaña na ca'amapega'tpi, ỹoqo'oye 'am sanem da 'oxonec namayepi, yaqto' 'auaỹateeta da Aỹem, nachaỹem Nataxala'.›»

Nehemías 1:10

Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Salmos 100:3

Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

Isaías 51:15

Cha'aye Aỹem Nataxala' maye Aỹem 'anatamnaxala' da ỹe'enaxat 'eeta': Nataxala' maye Qaica ca Ỹaqalanapec. Aỹem seraxan aso auaxai, nache ỹataqta dauaxan ana lapaxa.