Éxodo 6:6 - La'aqtaqa Ñim Lo'onatac 'Enauacna 2013

⁶ Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 6:6 Referans Kwoze

Deuteronómio 26:8

Ỹoqo'oye Ñimaye ỹachaxan da lchecỹaxac da la'añaxac maye ỹo'ot da lta'araic ncolanaxa, qataq ỹo'ot 'enauac na saishet da qaỹauanapega. Qaq Ñimaye qomi' nqateeguesopa ye Egipto,

1 Crónicas 17:21

Qaq ỹoqo'oye negue'tom ca 'eeta'am ne'ena 'aralamaxat nhuo' Israel le'ecpi, cha'aye nachenata namayepi da 'ausoueeguesop co'ollaxa da nlataguec da yaqto' 'aralamaxatpi, nache 'auo'ot da la'amaqchec da 'are'enaxat, 'auachegoxotchigui na lta'araicpi maye ỹo'ot da na'aalaxa, co'ollaq 'auamaqauec nam ỹotta'a't shiỹaxauapi, ỹauaachigui 'anqa'en na 'aralamaxat nhuo' le'ecpi, maye 'anqateeguesop co'ollaxa ye Egipto.

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Nehemías 1:10

Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Salmos 81:6

«'Am ñeqateeguesop so 'aya'ac maye huetaleguete naua 'arallaco, qataq naua 'arhuaxaye da yaqto' saqallegueme da ỹache na qapa'atta.

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Éxodo 15:13

Qaq nachera da 'arauotaxanaqtaic da huo'omshe 'auauecta'aguet ne'ena 'aralamaxatpi maye 'arca'alaqtacpi, qataq nachera da 'ara'añaxac da 'auo'onataxana, da 'auauectaua'a ye 'arma' maye qui'itta.

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

2 Reyes 17:36

Nacheñita Ñim Nataxala' maye qami' nqateeguesopa co'ollaxa ye Egipto, ỹauota'a da lta'araic la'añaxac. Nacheñita qome da huo'o naq 'enec qanqa'eñi, qavio'oxoreñiitac, qataq qaỹa'añiỹot ana qarachetaqtaxanaqche.

Deuteronómio 4:23

Qalaxaye maxatchaxa qome, saishet da qaucouaỹa'ai da aỹamaxataxac maye qami' ỹo'oteque Ñim Nataxala' maye Qanatamnaxala'ai. Qataq saishet da qauo'oche ca qare'enaqtaqui qanatamnaxala'ai, cha'aye Ñim Nataxala' maye Qanatamnaxala'ai qami' illapeguema co'ollaxa namaye,

Isaías 9:21

So Manasés delogui' qome so Efraín, qaq so Efraín delogui' so Manasés, ime nache soomaye huaxaỹa't da iloquiaxa'n ye Judá. Qalaxaye ñaqaiyeta, da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Éxodo 6:29

nache 'enapega, 'eeta': «Aỹem maye Nachaỹem Nataxala'. 'Aua'axatem qome ñi faraón, ñim nta'a maye ilotague' na netaña na Egipto, 'enauac na 'am sa'axatem».

Éxodo 6:8

Nache qami' sauegalo qome ye 'alhua maye sachaxanapeguem co'olloxocheye so Abraham, Isaac qataq so Jacob. Qaq yemaye nagui qami' sanema da ỹataqta qaralamaxache qarmaye. Aỹem ỹa'aqtac maye Nachaỹem Nataxala'.»

Éxodo 6:2

Nache Ñim Lo'onatac 'Enauacna qaltaq 'enapega so Moisés, 'eeta': «Aỹem maye Nachaỹem Nataxala'.

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Hechos 13:17

Ñim Lo'onatac 'Enauacna maye ỹo'oxoreetac nam Israel le'ecpi, Ñimaye lca'aguishec co'ollaxa som hua'au qarta'alpi, nache ỹanem somayepi da ỹataqta qalota, co'ollaq netaña yem 'alhua le'enaxat Egipto. Qaq co'ollaq ime, nache Ñimaye nqateeguesop yi'iye 'alhua somayepi, irolec dam lta'araic la'añaxac.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Éxodo 2:11

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 16:6

Qaq so Moisés qataq so Aarón, 'enapega so Israel le'ecpi, 'eeta': «Ne'ena avit qami' qauaỹaañi da Ñim Nataxala' nacheñi ñi qami' nqateeguesopa ye Egipto.

Éxodo 18:1

Nache so Jetro maye lacho' so Moisés, som ltaxaỹaxanaxanec na netaña ye Madián, somaye la'axaỹaxac 'enauac na ỹo'otec Ñim Lo'onatac 'Enauacna so Moisés, qataq so lalamaxatpi Israel le'ecpi, nataqa'en la'axaỹaxac da 'eetec Ñim Nataxala' co'ollaq nqateeguesop somayepi ye Egipto.

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Deuteronómio 6:12

Qaq ỹoqo'oye saishet qome da qaucouaỹa'ai Ñim Nataxala' maye qami' nqateeguesopa co'ollaxa ye Egipto, yem huaña co'ollaq choche qami' nlatacpi.

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Jeremías 32:21

'Am 'aurolec da lta'araic 'ara'añaxac co'ollaq 'anqateeguesot ye Egipto so 'aralamaxat nhuo' Israel le'ecpi, 'auo'ot co'ollaxa na saqaỹauanapegapi qataq na'anecpi, qataq 'anlaxatchigui da lcolanaxa 'enauac na shiỹaxauapi.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Deuteronómio 7:19

Cha'aye 'enauac da qoñiita qauauañiichigui co'ollaxa da lta'araic la'añaxac Ñim Nataxala' maye Qanatamnaxala'ai, qataq 'enauac so na'anecpi qataq so ỹo'ot da na'aalaxa co'ollaq qami' nqateeguesopa ye Egipto. Qaq 'era da 'eetec qome Ñim Nataxala' 'enauac yem shiỹaxauapi maye qañi'iitega.

Deuteronómio 9:29

Qalaxaye namayepi ye maiche 'aralamaxatpi, qataq 'anqateeguesop co'ollaxa ye Egipto 'aurolec da ỹataqta lta'araic 'ara'añaxac.›»

Deuteronómio 11:2

Qataq qantooñita'ac da nache qami', maye qauauañiichigui co'ollaxa da la'añaxac, qataq da la'amaqchec Ñim Nataxala' maye Qanatamnaxala'ai, qaq saishet da nachena na qaỹa'alquipi na nmate' da 'eetec da qaỹaỹamaxaañi ca nsomaxac,

1 Reyes 8:42

cha'aye qaỹa'aqtega qome da la'amaqchec da 'are'enaxat, qataq da lta'araic 'ara'añaxac. Nache que'eca chegaqauec da naua'a ana'ana atamnaxaqui da natamen,

Salmos 77:16

'Am maye 'Aro'onatac 'Enauacna, co'ollaq 'am ilo'ot na 'etaxat nache huo'o da lcolanaxa, qataq cholaxan na 'etaxat maye ỹataqta qaỹoqchiguingui,

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Salmos 81:11

Qalaxaye ne'ena ỹalamaxat nhuo' le'ecpi saishet da aỹem hua'axaỹa, ¡na Israel le'ecpi saishet da aỹem ỹalaxaguet!

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

Ezequiel 20:33

Cha'aye Aỹem Nataxala', maye Qanatamnaxala'ai, maiche ñañan da san da ỹa'aqtac, da qami' selo'oguelo qome sauota'a da ỹa'añaxac, qataq sachaxanec na ihuaq, qataq ñashetcheguem da inogoxonaxac,