Éxodo 6:26 - La'aqtaqa Ñim Lo'onatac 'Enauacna 2013

²⁶ Qaq so Moisés qataq so Aarón, nachesoua soua 'enapegalo co'ollaxa Ñim Nataxala', da nqatreeguesop so Israel le'ecpi ye Egipto, qataq naloqchiichiyiñi, 'eeta'am naqa'en ca alleppi.

Éxodo 6:26 Referans Kwoze

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 12:17

Qaq qami' qauo'oche qome ca qayo'oxonnataxanaxaqui que'eca na'a'q maye huetoigui da qanallec ana nauole 'ayiiña maye sa qaỹauo'o ana lalecte, cha'aye que'eca na'a'q huetoigui da qami' ñeqateeguesopa na Egipto. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qaq nache 'ena'am qome ca qaỹa'alquipi.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 6:13

Nache Ñim Nataxala' ỹamaq so Moisés qataq so Aarón, da yaqto' 'enapega so Israel le'ecpi qataq so faraón, da soomaye ỹataqta qaỹamaxaleguete da nqatreeguesop ye Egipto so Israel le'ecpi.

Números 33:1

Qaq 'era da 'eetec so Israel le'ecpi, co'ollaq ca'ai ye 'alhua Egipto, somayepi inoicchiguiñi 'eeta'am ca alleppi, qaq so Moisés qataq so Aarón ilotrague' somayepi.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

1 Crónicas 6:3

Qaq soua llalqa so Amirán: Aarón, Moisés qataq aso María. Qaq soua llalqa so Aarón: Nadab, Abiú, Eleazar qataq so Itamar.

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.

1 Samuel 12:6

Nache, so Samuel qaltaq 'enapega so shiỹaxauapi, 'eeta': Ñim Nataxala' ỹachegoxotchigui co'ollaxa so Moisés, qataq so Aarón, da nqateeguesop ye Egipto so hua'au qarta'ailpi.

Josué 24:5

Huaña co'ollaxa nache samaq so Moisés qataq so Aarón, nache aỹem seque'emaqchetec da nleuaxa so Egipto le'ecpi, nache ivitta'a da qami' ñeqatreguesopa yemaye.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 13:18

Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai. Nache co'ollaq jec so Israel le'ecpi, nache nalochiguiñi 'eeta'am na alleppi.

Éxodo 6:20

Qaq so Amirán huaroneguet co'ollaxa aso lasoro Jocabed. Qaq asomaye nachaso aso late'e so Aarón qataq so Moisés. So Amirán ivi' soua ciento treinta vi'iye da nachaalataxac.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Génesis 2:1

Qaq 'era da 'eetec, da ime na piguem qataq ana 'alhua, qataq 'enauac na huetalecpi naamaye.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.