Éxodo 6:13 - La'aqtaqa Ñim Lo'onatac 'Enauacna 2013

¹³ Nache Ñim Nataxala' ỹamaq so Moisés qataq so Aarón, da yaqto' 'enapega so Israel le'ecpi qataq so faraón, da soomaye ỹataqta qaỹamaxaleguete da nqatreeguesop ye Egipto so Israel le'ecpi.

Éxodo 6:13 Referans Kwoze

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

1 Timoteo 5:21

Da iqataxac maye 'am sami' nagui ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo, nataqa'en na chegaqasheguem lamaxashecpi maye lca'aguishecpi Ñim Lo'onatac 'Enauacna. Ỹataqta 'aualaxaleco' qome da iqataxac. Saishet da huo'o ca 'amatalec da 'arauotaxat, qataq saishet da 'alca'agui na shiỹaxauapi.

1 Timoteo 1:18

'Am ỹalec Timoteo, 'am sami' da iqataxac, cha'aye ñeshetaique da qoquetalec dam na'aqtac maye 'am qoỹami' so lỹa na'a'q chegoqo'ot Ñim Lo'onatac 'Enauacna. Qaq ỹataqta 'aupacchigui damaye da 'aloclec qoneta'am ca no'on ale maye ỹaỹaten da l-loquiaxac.

Salmos 91:11

cha'aye Ñimaye 'am namaxa qome ca lamaxashecpi piguem le'ecpi, da yaqto' ntela'a 'enauac da 'icỹaxac.

Deuteronómio 31:14

Qaq ime, nache Ñim Nataxala' 'enapega so Moisés, 'eeta': «'Am, mashe saqaỹapeque ye laloqo' da 'aleu, qaq ỹoqo'oye 'aỹaxana qome so Josué, nache qanqo'oñiiua'a qome ñi npe'l maye huaña naxa da aỹem qanauane', yaqto' qami' sanema ca iqataxac.» Nache so Moisés qataq so Josué tareua'a co'ollaxa so npe'l maye huaña naxa da qanauane' Ñim Nataxala',

Números 27:23

Nache ỹashel-lec na lqaic qataq ỹanagui da lo'onataxanaxac, nache ipacchigui naqa'en da lamaxasoxonaxac Ñim Nataxala'.

2 Timoteo 2:4

Cha'aye ca ale da qaỹamaqtac, saishet da maiche ncoñera'aguet ca maiche lo'onataxanaxac, cha'aye mashe huetañot da lamaxasoxonaxac so huataxanaq lta'a.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Mateo 4:6

nache 'enapega, 'eeta': –Qom ỹataqta 'eesa da 'am Llalec Ñim Lo'onatac 'Enauacna, nache 'auparenaxanec nagui. Cha'aye ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna namaq qome ca lamaxashecpi, da yaqto' 'am ntela'a. Nache 'am ỹachetaleguete qome naua lhua'q camayepi, da yaqto' saishet da 'am iuaxaneguet na coma'pi.»

Números 27:19

Ime, nache 'auauegueua'a qome so ntaxaỹaxanaxanec Eleazar, qataq ỹauaachigui 'anqa'en 'enauac ca ỹalecta'a'tpi da 'aỹa'anem da lo'onataxanaxac,

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

Éxodo 6:14

Qaq 'eso so lataxala'pi co'ollaxa so llalaqpi so hua'au lta'alpi so Israel le'ecpi. Qaq 'enaua naua le'enaqa'ate soua llalqa so Rubén som la'auaxanec llalec so Israel: Hanoc, Falú, Jesrón qataq Carmi, qaq 'esoua soua lalamaqa'ate llalqa so Rubén.

Éxodo 6:26

Qaq so Moisés qataq so Aarón, nachesoua soua 'enapegalo co'ollaxa Ñim Nataxala', da nqatreeguesop so Israel le'ecpi ye Egipto, qataq naloqchiichiyiñi, 'eeta'am naqa'en ca alleppi.