Éxodo 6:1 - La'aqtaqa Ñim Lo'onatac 'Enauacna 2013

¹ Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Éxodo 6:1 Referans Kwoze

Éxodo 12:33

Nache so Egipto le'ecpi ỹataqta iỹalaqchet so Israel le'ecpi da sanaỹaloxon da ca'ai naqa'en yi'iye 'alhua, cha'aye tatapigui lauel da 'enauac nmichiguiñi da ileu.

Salmos 136:12

irolec da lta'araic la'añaxac na lhuaq, cha'aye da lauotaxanaqtaic chochaq tatec.

Éxodo 12:39

Qaq souaxat da qaica ca ldaqa' da ỹaqataxanai' ca aloq somayepi, cha'aye so Egipto le'ecpi ỹataqta ỹo'orauec da ca'ai naqa'en yi'iye 'alhua, nache ỹo'ot aso lauole na ndaqñiguishec 'ayiiña maye qaca aca lalecte maye ỹasheeraxachigui ỹachegoxotta'a ye Egipto.

Éxodo 12:31

Nache so faraón damaxasoxoneuga so Moisés qataq so Aarón, qaq nacheso se'eso pe da 'enapegalo, 'eeta': «Qauesomiỹa qome, qoqui, qoquiỹa'ai na ihuo' le'ecpi, qami' qataq 'enauac na Israel le'ecpi. Qanqo'oñiỹa da qanatamñiỹot cam Nataxala', qauo'oche qome dam qauquiquiitegueua'a.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Éxodo 11:1

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Salmos 89:13

Na 'arhuaq ỹataqta huo'o da la'añaxac, ỹataqta huo'o da la'añaxac na 'oiguishec 'arhuaq qataq qaramta.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

2 Crónicas 20:17

Qalaxaye saishet qome da nache qami' da qauloqui de'era loquiaxac, nacherata da qañe'emaxache qome da qoviita'a cam qarauanaxanaqa'ai, yaqto' qauauañiichigui da lca'alaqtaxanaxac Ñim Nataxala', da qami' taleguete. Qami' shiỹaxauapi maye qarma'ai na Judá, qataq na Jerusalén, saishet da qayi'iitac huo'otaq da qauqaulliitac, qoqui qonte' da qauataiỹa'aguet namayepi, cha'aye aỹem Nataxala', qami' soota'agueta qome.›»

2 Reyes 7:19

Qataq so ltaua so nta'a co'ollaq ỹasateguet som la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Qaq so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Hechos 13:17

Ñim Lo'onatac 'Enauacna maye ỹo'oxoreetac nam Israel le'ecpi, Ñimaye lca'aguishec co'ollaxa som hua'au qarta'alpi, nache ỹanem somayepi da ỹataqta qalota, co'ollaq netaña yem 'alhua le'enaxat Egipto. Qaq co'ollaq ime, nache Ñimaye nqateeguesop yi'iye 'alhua somayepi, irolec dam lta'araic la'añaxac.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Éxodo 15:6

'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Números 11:23

Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.