Éxodo 5:7 - La'aqtaqa Ñim Lo'onatac 'Enauacna 2013

⁷ «Nagui nache saishet qome da qoquiito'ot da qaỹa'añeeta'am na 'auaqpi na Israel llalaqpi da ỹo'ot na losoc, saishet da qaue'enaxachiichigui da 'eeta'am nagui da qaỹa'añeeta'am nacherata da ¡qauauaqaita'a da yaqto' imapegue' da maiche ilaique na 'auaqpi.

Éxodo 5:7 Referans Kwoze

Jueces 19:19

Qomi' huo'o na sachoqtac ana naqta 'auaqpi, maye alo'q ñeua 'ashena, qataq huo'o ana qanqo nauole qataq na lataxa da yaqto' qaralecnaxanaxat da sequia'aq añi ihua qataq ñi ỹo'onataxanaxanec, nache qaica ca seuenaqtac.

Génesis 24:25

Ye qarma' huo'o ye ndaqa', qaq 'am ishet da 'anmataqa' na pe, nataqa'en huo'o na 'auaqpi, qataq na aloq naua cameello.»

Génesis 11:3

Qaq huo'o so na'a'q, nache ñi 'oonolec 'enapega ñi lỹa, 'eeta': «So'otaq qome ca losoc, nache sauoqta'a ca norec da sauotaq.» Qaq 'era da 'eetec da do'onataxana co'ollaxa so losoc, nmeneguet naqa'en so coma'. Qaq so 'eco' qo'oipaq lcha'q, qalaq nmeneguet naqa'en so nshaxa.

Éxodo 5:6

Qaq nacheso se'eso na'a'q da so faraón ỹanem da la'aqtac som nalleppi maye ipataxalec da ilo'ogue som lataxala'pi na 'onataxanaxaicpi, 'eeta':

Éxodo 5:8

Qalaxaye qoñiỹapega qome namayepi da ipacchigui ye lcata na lo'onatac losoc. ¡Qataq saishet da nquiguiñi da huo'otaq choche 'oonolec losoc ca saxanaqca! Cha'aye namayepi choche hualaicpi, ỹoqo'oye ỹa'alaqtai', 'eeta': ‹Qolaq, so'otaq aca qarachetaqtaxanaqte da savigaxataq, ime qaq sanaqot Ñim Qanatamnaxala'›.