Éxodo 5:23 - La'aqtaqa Ñim Lo'onatac 'Enauacna 2013

²³ Qataq nache chegoqta'a se'eso na'a'q da sa'axatem da 'are'enaxat ñi faraón, nache ñimaye ỹataqta nquigaxatec da sa iyacnapec ne'ena nhuo' le'ecpi maye 'aralamaxat, qalaq ¡ta'ainco' ye saishet da 'anca'alaxatec!»

Éxodo 5:23 Referans Kwoze

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Salmos 118:26

Ỹataqta no'on da lviraxac ca nactaigui da le'enaxat Ñim Nataxala'. Ỹoqo'oye nagui da souaqtaigui na lma' Ñim Nataxala', nache qami' sanaxama da qanchoxonnataguiiqui.

Juan 5:43

Ñimaye maiche Ita'a, qaltaq Aỹem namaq, qalaxaye qami' saishet da Aỹem qauacoñiiguet. Qalaxaye da huo'o ca anac da maiche ỹacoolec ca maiche 'eetapeguec, nache camaye qami' qauacoñiiguet.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Da na'aqtaguec so Job 22:17

Qataq somayepi 'eetega Ñim Lo'onatac 'Enauacna, 'eeta': «¡Ña qomi' 'aua'aqta'alo!» ¿Negue'to' ca ishet da qomi' ỹo'oteque Ñim Qaica ca Ỹaqalanapec?