Éxodo 5:19 - La'aqtaqa Ñim Lo'onatac 'Enauacna 2013

¹⁹ Nache so lataxala'pi so nlatacpi Israel le'ecpi ỹataqta huo'o da lhuogoxo co'ollaq qoỹenapega da saishet da nquiguiñi ye lcata na lo'onatac losoc ye na'a'q.

Éxodo 5:19 Referans Kwoze

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Éxodo 5:8

Qalaxaye qoñiỹapega qome namayepi da ipacchigui ye lcata na lo'onatac losoc. ¡Qataq saishet da nquiguiñi da huo'otaq choche 'oonolec losoc ca saxanaqca! Cha'aye namayepi choche hualaicpi, ỹoqo'oye ỹa'alaqtai', 'eeta': ‹Qolaq, so'otaq aca qarachetaqtaxanaqte da savigaxataq, ime qaq sanaqot Ñim Qanatamnaxala'›.

Éxodo 5:18

¡Qauesomiỹa, qauo'onataxañi! Nagui saishet da qami' qoỹanema ca 'auaqpi, qalaxaye ipacchigui qome ye lcata naxa na qaro'onataqui losoc.»

Éxodo 5:20

Qaq co'ollaq ime da mashe qaitaqtague' so faraón, nache nnoxonec somayepi nache qanatena'agueta so Moisés qataq so Aarón maye deuataxaata'ape,