Éxodo 5:16 - La'aqtaqa Ñim Lo'onatac 'Enauacna 2013

¹⁶ Nagui mashe saishet da qomi' qoỹanema na 'auaqpi, qalaq qomi' qaiỹalaqche't da so'otaq na losoc, qataq qomi' qaiuaxaataleguete. ¡Qaq damaye maiche lasouaxashet na 'analleppi!»

Éxodo 5:16 Referans Kwoze

Génesis 11:3

Qaq huo'o so na'a'q, nache ñi 'oonolec 'enapega ñi lỹa, 'eeta': «So'otaq qome ca losoc, nache sauoqta'a ca norec da sauotaq.» Qaq 'era da 'eetec da do'onataxana co'ollaxa so losoc, nmeneguet naqa'en so coma'. Qaq so 'eco' qo'oipaq lcha'q, qalaq nmeneguet naqa'en so nshaxa.

Éxodo 5:15

Nache so lataxala'pi so nlatacpi Israel le'ecpi, jec da nqo'oneua'a so faraón da 'enapega, 'eeta': «¿Ta'ainco' ye nache qonetec de'era na 'al-latacpi?

Éxodo 5:17

Qalaxaye so faraón 'enapeco': «¡Qami' ye choche qami' hualaicpi! Ỹoqo'oye qoñiỹapec da qara'aqtaqui: ‹Qolaq, so'otaq aca qarachetaqtaxanaqte savigaxataq, ime qaq sanaqot Ñim Nataxala'›.

1 Reyes 12:14

nacherata da ỹe'enaxatchigui da lqataxac so nsoxoppi, 'eeta': «So ita'a da qami' ỹamaxaleguete co'ollaxa na ỹataqta qapa'atta no'onatacpi, qalaxaye aỹem nagui, ñequigaxattec da ỹataqta qapa'atta da lsallaxa ca qami' sacheleguete, qataq da so ita'a qami' iroleguete co'ollaxa so nañec da qami' ỹalashe'n, qalaxaye aỹem, qami' seroleguete ca nalashenaxanaxat maye neta'aguet na lsheenec ca lcat.»

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Ezequiel 16:4

Qaq som na'a'q maye huaigui da 'auañiguiñi, nache saishet co'ollaxa da qaicheguec so 'arcom, qataq saishet da 'am qanachelaxan, qataq saishet da 'am qaỹa'amen na toue, qataq saishet da qaỹauo'o ca 'ara'am laxataxat.