Éxodo 40:9 - La'aqtaqa Ñim Lo'onatac 'Enauacna 2013

⁹ Qaq da ime, nache 'auacona ca ncoraxanaxat, nache 'aucorelec que'eca npe'l, qataq 'enauac cam pa'ataigui camaye. Nache ỹataqta 'auqui'itaxatta 'enauac cam no'onataxanaxatpi, qaq que'eca npe'l ỹataqta sa qaishetapec.

Éxodo 40:9 Referans Kwoze

Levítico 8:10

Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, nache icorelec so npe'l maye huaña naxa da qanauane' Ñim Nataxala', qataq 'enauac so huetaiguipi da yaqto' ỹaneuo da ỹataqta qui'itta.

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

1 Juan 2:20

Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

2 Corintios 1:22

Qataq da ỹachaxan da qomi' lalamaqa'ate, nache ỹauo'o da qana'anaxat: qomi' ỹanema So Saqcha'a Na'añaxac Qui'itta.

2 Corintios 1:4

Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Mateo 3:16

nache nachelaxan. Qaq So Jesús co'ollaq ca'ai so 'etaxat, nache ila'a na piguem da nauatoigui, nache ỹauaateguet So Saqcha'a La'añaxac Ñim Lo'onatac 'Enauacna da naỹaña Somaye 'eeta'am da lataxac na qoto'.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Isaías 11:2

Qaq so Saqcha'a La'añaxac Ñim Nataxala' nache hueta'aguet qome camaye, nache ỹanem da laỹaanec, laỹaanataxanaxac, sanqalat, la'añaxac, lauattonaxanaxac, qataq ỹalaxaguet Ñim Nataxala'.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Éxodo 39:39

Qataq aso nca'atoxonaxalate maye chegaqaigui na lcat bronce, qataq so qaỹa'ara't lcat bronce maye naua'alo soua laỹel, qataq soua lachoxola'ate da qaỹache, qataq 'enauac so logoxoshetpi, qataq so nỹoxonaxaqui, qataq so lmala' somaye,

Éxodo 37:29

So Besalel nataqa'en ỹo'ot so aceite maye ncoraxanaxat, qataq so nchenaxanaxat maye ama da laitaỹaxac, 'eeta'am na lo'onatac ca lo'o na coraxat.

Hebreos 9:21

So Moisés nataqa'en ichegoxoleguete co'ollaxa soua ntago'q se'eso npe'l qataq nam no'onataxanaxatpi maye qaiueetac naxa da qaỹo'ot da ño'oxonnataxanaxac.

Éxodo 40:8

Ime, nache 'aua'ara't ca lpaqtaxat caua laỹel que'eca qasoxoc, qataq ca lapoxot ca ñegueuo.

Ezequiel 28:14

Qataq 'am iuattague' ñaqa'en so huo'oi naua laua't, qataq qoueta'a co'ollaxa añi qui'itta nqasoxonaxa Ñim Lo'onatac 'Enauacna nache 'auqueuotapigui' 'aucoleetapoigui ana huaqaañipi.