Éxodo 40:36 - La'aqtaqa Ñim Lo'onatac 'Enauacna 2013

³⁶ Qaq naxa da ivita da naỹoxoosheguem se'eso lo'oc da ca'ai so npe'l, nache so Israel le'ecpi ca'aisalo soua lanataqa'ate da qaltaq cot da llecỹaxac.

Éxodo 40:36 Referans Kwoze

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

Números 9:17

Qaq naxa da naỹoxoosheguem se'eso lo'oc da ca'ai so npe'l, nache so Israel le'ecpi naỹamaxat da jec, qaq ca huaña naxa da vi'iiguet somaye, nache somayepi nataqa'en vi'iiguet da naña camaye.

1 Corintios 10:1

Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

Salmos 105:39

Qaq Ñim Nataxala' ipelteetalec naqa'en somayepi so lo'oc, qaq ye pe qalaq icoỹattalec na le'eraxa so norec.

Salmos 78:14

Ye na'a'q qalaq ỹauecta'aguet naqa'en somayepi so lo'oc na piguem, qataq ye pe qalaq ỹauecta'aguet naqa'en na le'eraxa so norec.

Números 9:22

Qaq huo'o naxa da dos na'axa'te, huo'otaq 'oonolec ca'agoxoic huo'otaq 'oonolec vi'i da ipelteetalec so npe'l se'eso lo'oc, nache so Israel le'ecpi qaica ca ldaxac, saishet da jec. Qaq naxa da naỹoxoosheguem se'eso lo'oc, nache somayepi qaltaq jec.