Éxodo 40:35 - La'aqtaqa Ñim Lo'onatac 'Enauacna 2013

³⁵ Nache so Moisés saishet da pa'aigui se'eso npe'l maye huaña naxa da qanauane' Ñim Nataxala', cha'aye so lo'oc ỹataqta imattalec somaye, qataq da llo'oxoyec Ñim Nataxala' ỹataqta imattalec so npe'l.

Éxodo 40:35 Referans Kwoze

1 Reyes 8:11

Qaq souaxat se'eso lo'oc, nache so ntaxaỹaxanaxanecpi saishet co'ollaxa da nache pa'atauo da ỹo'ot da lo'onataxanaxac, cha'aye da llo'oxoyec Ñim Nataxala' ỹataqta nlaqchigui aso atamnaxaqui.

Isaías 6:4

Qaq da l-lamaxa da lavilỹaxa'c soomaye, ỹataqta cholaxan naqa'en soua laso'omi aso atamnaxaqui, qataq so lmala'q nlaxagui asomaye.

2 Crónicas 7:2

Qaq ỹoqo'oye so ntaxaỹaxanaxanecpi saishet da pa'aigui aso atamnaxaqui.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Apocalipsis 15:8

Nache asa'aso no'onaxanaxaqui ỹataqta nlaqchigui na lmala'q maye chegaqaigui dam la'amaqchec qataq da la'añaxac Ñim Lo'onatac 'Enauacna. Huaña, nache saishet da huo'o ca qaỹashenem da pa'aigui aso no'onaxanaxaqui qom saxanaxa da nvi' se'esoua siete napaxaco maye ỹacheta'ape soua siete namaxa'she piguem lashe'.

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

1 Reyes 8:10

Nache so ntaxaỹaxanaxanecpi co'ollaq ca'ai so ndaqa' qui'itta, nache so lo'oc ỹataqta nlaxagui asa'aso atamnaxaqui maye lalamaqte Ñim Nataxala'.

Ezequiel 10:4

Huaña nache da llo'oxoyec Ñim Nataxala', ca'ai na pa'asheguem soua huo'oi naua laua't, nache jec taỹa so ñegueuo aso atamnaxaqui, nache so lo'oc na piguem nlaxagui naqa'en aso atamnaxaqui, qaq da lqashelgaxa da llo'oxoyec Ñim Nataxala' icoỹarelec so qasoxoc.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Éxodo 29:43

Qataq nache huaña da ñauane' na Israel le'ecpi, nache que'eca nanataqa' hueta'a da ỹo'oxoyec cha'aye soota'a.

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Isaías 4:5

Qaq huaña nache Ñim Nataxala' ỹauo'o qome ca sa nsattec lo'oc ye na'a'q, qataq ca norec da 'ettaigui ye pe da imattalec naqa'en ye Sión, qataq ca lapoota'a't shiỹaxauapi maye hueta'a yemaye. Qaq 'enauac camayepi huetalec qome da llo'oxoyec Ñim Nataxala',

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Ezequiel 43:4

nache da llo'oxoyec Ñim Nataxala' taigui aso atamnaxaqui, tatoigui so lasom maye pa'aỹa'ague da nala' lliguisheguem.