Éxodo 40:34 - La'aqtaqa Ñim Lo'onatac 'Enauacna 2013

³⁴ nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Éxodo 40:34 Referans Kwoze

Apocalipsis 15:8

Nache asa'aso no'onaxanaxaqui ỹataqta nlaqchigui na lmala'q maye chegaqaigui dam la'amaqchec qataq da la'añaxac Ñim Lo'onatac 'Enauacna. Huaña, nache saishet da huo'o ca qaỹashenem da pa'aigui aso no'onaxanaxaqui qom saxanaxa da nvi' se'esoua siete napaxaco maye ỹacheta'ape soua siete namaxa'she piguem lashe'.

2 Crónicas 7:2

Qaq ỹoqo'oye so ntaxaỹaxanaxanecpi saishet da pa'aigui aso atamnaxaqui.

Éxodo 29:43

Qataq nache huaña da ñauane' na Israel le'ecpi, nache que'eca nanataqa' hueta'a da ỹo'oxoyec cha'aye soota'a.

Éxodo 14:24

Qaq co'ollaq mashe sa qaỹa'aguet so na'a'q, nache Ñim Nataxala', maye huetaigui so lo'oc lta'araic qataq so norec, namataña so alleppi Egipto le'ecpi, nache ỹami' somayepi da maiche lliỹa't souaxat da lcolanaxa,

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Éxodo 33:9

Qaq naxa da pa'auo so Moisés, nache anac so lo'oc da ỹapolec so ñegueuo so npe'l da ñaq na'aqtaxaatague' Ñim Nataxala' somaye.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Hageo 2:9

Qaq ana'ana dalaxai atamnaxaqui, anamaye ỹactec qome da lyac, qaq saq 'ena'am aso hua'auchiguiñi. Qataq Aỹem so'otec qome da huo'o da nlagaxayec ne'ena qanayeeta'a 'alhua. Aỹem Nataxala' maye Qaica ca Seqalanapec, 'era da ỹa'aqtac.»

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Isaías 6:4

Qaq da l-lamaxa da lavilỹaxa'c soomaye, ỹataqta cholaxan naqa'en soua laso'omi aso atamnaxaqui, qataq so lmala'q nlaxagui asomaye.

2 Crónicas 5:13

Nache somayepi 'enauac da nmasheguem da do'onaxaata'ai' aso lviquepi, ỹo'oxoreetac qataq ỹaatacot da na'achecỹaxac Ñim Nataxala'. Qaq somayepi co'ollaq nlamaxaren da do'onaxaata'ai' aso lasheerepi, simbalopi, qataq aso laỹepi nviquepi, nache do'onaxaato'ot Ñim Nataxala', 'eeta': «Qavio'oxoyiñi Ñim Nataxala', cha'aye Ñimaye soxoraic, qataq chochaq tatec da lauotaxanaqtaic.» Huaña co'ollaxa nache aso atamnaxaqui maye lalamaqte Ñim Nataxala', ỹataqta nlaqchigui so napalñi lo'oc.

Éxodo 25:8

Qataq 'auo'ot qome que'eca npe'l lta'araic, yaqto' Aỹem ishet da qami' sootaiguilo.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

2 Samuel 7:6

Cha'aye nache chegoqta'a so na'a'q co'ollaq ca'ai ñaqa'en ye Egipto na Israel le'ecpi, nache ivitta'a nagui da saishet da sootaigui ca nỹec, nacherata da sootaigui naxa na npe'lolec.

Ezequiel 10:4

Huaña nache da llo'oxoyec Ñim Nataxala', ca'ai na pa'asheguem soua huo'oi naua laua't, nache jec taỹa so ñegueuo aso atamnaxaqui, nache so lo'oc na piguem nlaxagui naqa'en aso atamnaxaqui, qaq da lqashelgaxa da llo'oxoyec Ñim Nataxala' icoỹarelec so qasoxoc.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Salmos 26:8

'Am Nataxala', aỹem ỹataqta sauotec añi atamnaxaqui maye 'aranataxaqui, yem hueta'a naxa da 'ayo'oxoyec

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.