Éxodo 40:33 - La'aqtaqa Ñim Lo'onatac 'Enauacna 2013

³³ Qaq co'ollaq ime, nache so Moisés ỹauo'o so lpaqtaxat so nqasoxoc se'eso npe'l, qataq aso nca'atoxonaxalate, qataq ỹaviguisheguem so lapoxot so ñegueuo se'eso nqasoxoc so npe'l. Qaq co'ollaq imat so Moisés da ỹa'ara't so npe'l,

Éxodo 40:33 Referans Kwoze

Éxodo 40:8

Ime, nache 'aua'ara't ca lpaqtaxat caua laỹel que'eca qasoxoc, qataq ca lapoxot ca ñegueuo.

2 Timoteo 4:7

Mashe semat da seloctapeguelec da ỹo'onataxanaxac, qataq mashe senoxonaqchetec da ñaloxoyaxac. Cha'aye saishet da huo'o ca huaña da saxanec da ñaquitaxac, qataq da salaxaguet Ñim Lo'onatac 'Enauacna.

Efesios 2:18

Chegoqchigui da ỹo'ot So Cristo da, na'aictaxa na lauo' le'ecpi judiopi huo'otaq nam saishet da judiopi, da 'oonolec so qomi' hueta'agueta Saqcha'a Na'añaxac som chegoqchigui da ishet da saqaỹapeque Ñim Lo'onatac 'Enauacna maye Qarta'a.

1 Corintios 12:28

Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

1 Corintios 12:12

Na ỹa'amaqteetac So Cristo, 'eeta'am da lo'ocỹaxac ca 'oonolec shiỹaxaua. Qalota na na'attaua'a logoxoshetpi, qalaxaye 'oonolec da lo'ocỹaxac.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Mateo 16:8

Nache So Jesús co'ollaq noma de'era na'aqtaxaatrapigui soomaye, nache 'enapegalo, 'eeta': –¡Qami' ỹataqta qapio'olec dam qarpi'iỹaxaqui Ñim Lo'onatac 'Enauacna! ¿Ta'ainco' da leetapigui ye qarvilli da qaca aca qaya'acoi nauole 'ayiiña?

Zacarías 4:9

«Ñi Zorobabel lapaxañi qome ca lo'oxonaxala' aca atamnaxaqui, qataq nacheñi ñimaye da iviraxata'a qome da imeta naqa'en.» Qaq 'era qome da 'eetec, da yaqto' qami' qauaỹacheñeeta da nacheñi Ñim Nataxala' maye Qaica ca Ỹaqalanapec ñim aỹem namaq.

1 Reyes 6:9

Nache so Salomón co'ollaq ime da no'oxoosheguem aso atamnaxaqui, nache na pa'auo asomaye lapaxaua'a da llo'oxoraxat naqa'en na nchiiguishec 'epaq cedro.

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Éxodo 39:32

Qaq 'era da 'eetec da ime so npe'l maye huaña da qanauane' Ñim Nataxala', qaq so Israel le'ecpi ỹataqta imatta da ỹo'ot 'enauac som damaxasoxoolecpi Ñim Nataxala' maye ỹamaxalec co'ollaxa so Moisés.

Éxodo 40:32

Qaq soomaye nache ỹataqta nỹote' naxa da ivita da pa'aroigui so npe'l, qataq naxa da tareua'a aso nca'atoxonaxalate. Qaq nache ipacchiguilo da lamaxasoxonaxac Ñim Nataxala' maye ỹamaxalec co'ollaxa so Moisés.

1 Reyes 6:14

Nache so Salomón, co'ollaq imat da no'oxoosheguem aso atamnaxaqui,