Éxodo 40:29 - La'aqtaqa Ñim Lo'onatac 'Enauacna 2013

²⁹ Qaq aso nca'atoxonaxalate da qaỹavigaxat na nachetaqtaxanaxat, ỹanaña so naloteuga so ñegueuo so npe'l. Ime, nache ỹachalec da ỹavigaxat so lachetaqtaxanaxat shiguiỹacpi, qataq so lsoche na trigo. Qaq nache ipacchigui da lamaxasoxonaxac Ñim Nataxala'.

Éxodo 40:29 Referans Kwoze

Éxodo 40:6

Qataq aca nca'atoxonaxalate da qaỹavigaxat ca nachetaqtaxanaxat, nache 'aỹa'anaña ca naloteuga ca ñegueuo ca npe'l.

Hebreos 13:10

Som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye hueta'a co'ollaxa aso togoshe no'onaxanaxaqui da qaỹo'oxoren Ñimaye, somayepi saishet da qaỹashenem da chec nam huetalec añi qarca'atoxonaxalate.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Mateo 23:19

¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.

Éxodo 40:28

Ime, nache so Moisés ỹaviguisheguem so lapoxot so ñegueuo so npe'l.

Éxodo 40:30

Qaq so nỹoxonaxaqui, nache ỹaachiguinguilo na laiñi so npe'l qataq aso nca'atoxonaxalate, nache iỹoxogui so 'etaxat da yaqto' nỹoxonaxat.

2 Reyes 16:14

Qaq aso nca'atoxonaxalate bronce, maye netaña ye datatauga aso atamnaxaqui maye lalamaqte Ñim Nataxala', nquigaxat nache ỹanaña yem pa'aigue da la'añaxa, cha'aye aso dalaxai nca'atoxonaxalate nache ñichiguiña naqa'en yem netaña co'ollaxa aso nquigaxat somaye.

Ezequiel 43:18

Qaq ime, nache Ñim Nataxala' aỹem 'enapega, 'eeta': «Qom ivita da qano'oxoosheguem aca nca'atoxonaxalate, nache iuen da qaipacchigui ne'ena lataxacpi: Qaỹavigaxat qome ca shiguiỹac qaỹachalec aca nca'atoxonaxalate, qataq qaichegoxolec acamaye ca ltago'q.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Ezequiel 40:47

Qaq ime, nache se'eso shiỹaxaua naloqten so qasoxoc maye pa'aỹauo, qaq somaye ivi' cincuenta metros ñi 'oonolec naua cuatro laỹel. Qaq aso nca'atoxonaxalate nache datateua'a aso atamnaxaqui.