Éxodo 40:24 - La'aqtaqa Ñim Lo'onatac 'Enauacna 2013

²⁴ Qataq ipa'axaneuo aso ima'a't ncoỹaraxanaxaquipi maye siete soua lhua'q, naloqteeteguet naqa'en so lmala' aso nauole, qataq pa'aỹa'ague da taguiñi so lauel so npe'l.

Éxodo 40:24 Referans Kwoze

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Juan 1:5

Qaq de'era yo'oqchiguiñi, damaye icoỹarelec na napalaxa, qaq na napalaxa saishet da ỹalamat.

Juan 1:1

Co'ollaq saxanaxa da qaỹo'ot 'enauacna, qaq nale'ena da huo'o So Na'aqtac. Qaq se'eso Na'aqtac hueta'aguet Ñim Lo'onatac 'Enauacna, qaq So Na'aqtac nacheñi Ñim Lo'onatac 'Enauacna.

Salmos 119:105

Naua 'ara'aqtaqa 'eeta'ama aca ncoỹaraxanaxaqui da icoỹatta'aguelo naua iqauaxaqui', qataq icoỹatta'ague so ñeqa'aic.

Éxodo 26:35

Qaq que'eca nquia'axala' camaye 'aỹa'anaña qome ca npa'aỹauec ca napoxonaxat, qataq pa'aỹa'ague da sheu' ca ndaqa' maye qui'itta. Qaq aca ncoỹaraxanaxaqui nache pa'aỹa'ague da taguiñi, datatta 'anqa'en ca nquia'axala'.

Éxodo 40:4

Nataqa'en 'aupa'axaneuo qome ca lmala' aca nauole, qataq 'aupa'axaneuo aca ncoỹaraxanaxaqui nache 'aue'eraxatoigui.

Éxodo 40:23

Ime, nache ỹachalec somaye aso nauolepi, ỹauaachigui naqa'en Ñim Nataxala', qaq ipacchigui da lamaxasoxonaxac Ñim Nataxala'.

Éxodo 40:25

Ime, qaq ỹegueua'a aso ima'a't ncoỹaraxanaxaquipi, ỹauaachigui naqa'en Ñim Nataxala', qaq nache ipacchigui da lamaxasoxonaxac Ñimaye.