Éxodo 40:20 - La'aqtaqa Ñim Lo'onatac 'Enauacna 2013

²⁰ Qaq co'ollaq ime, nache so Moisés ỹaconalo soua coma'ye maye nanettaleguete soua nqataxaco, nache ỹachanguilo aso laỹe'. Ime, nache ỹa'aldeuo soua lachoxola'ate, qataq ỹauo'o so lapoxot asomaye.

Éxodo 40:20 Referans Kwoze

Éxodo 16:34

Qaq qaipacchigui da la'aqtac Ñim Nataxala' maye ỹami' so Moisés, nache so Aarón ỹanaña aso naco'oña 'alhua so nalochiguiña aso laỹe' soua lqataxaco Ñim Lo'onatac 'Enauacna, da yaqto' ỹaỹamaxat.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Romanos 10:4

Qaq Ñimaye saishet da qomi' ỹaỹamaxareete' souaxat da salaxasoxoguet na namaxasoxonaxacpi; cha'aye nagui Ñimaye nda'a't da ỹaconeguet cam huo'o da lpi'iỹaxac So Cristo. Cha'aye So Cristo nacheso so loga't nam namaxasoxonaxacpi.

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

1 Reyes 8:9

Qaq asa'aso arca maye laỹe' da aỹamaxataxac qalaq nachesouate' soua dos coma'ye dapaqaiqa da huetanguilo co'ollaxa, maye so Moisés ỹacheranguilo asomaye co'ollaq huaña ye Horeb, yem huaña co'ollaq Ñim Nataxala' naỹamaxate' so Israel le'ecpi, co'ollaq ca'ai ye Egipto.

Deuteronómio 10:5

Huaña nache senoteeguesop añi qasoxonaxa qataq soxochiguilo aso laỹe' soua nqataxaco maye ỹo'onata. Cha'aye nachera da aỹem ỹamaxalec Ñim Nataxala', qaq nache ivitta'a nagui da huetanguilo asa'aso laỹe'.»

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Éxodo 26:34

Ime, qataq 'auacona ca lapoxot, nache 'auapogongui aca laỹe' caua nqataxaco, nache 'aỹa'anaña ca ndaqa' maye sa qaishetapec.

Éxodo 40:19

Ime, nache ỹaueguelec so lapo' so npe'l, maye huaña da qanauane' Ñim Nataxala'. Qataq npa'axanasheguem so lỹa lapoxot na pa'asheguem somaye, nache ỹataqta ipacchigui da ỹamaxalec co'ollaxa Ñim Nataxala'.

1 Crónicas 15:3

Qaq ime co'ollaxa nache laỹona't 'enauac so Israel le'ecpi huaña ye Jerusalén, da yaqto' aso laỹe' soua lqataxaco Ñim Nataxala', qanqochenaxata so lma' maye iqataxanai' co'ollaxa so David.

2 Crónicas 5:10

Qaq asa'aso laỹe' soua nqataxaco, qaica ca lỹa huetaiguilo nachaqsouate' soua dapaqaiqa coma'ye maye so Moisés ỹacheraigui co'ollaq huaña ye Horeb, yem huaña co'ollaq Ñim Nataxala' naỹamaxate' so Israel le'ecpi, co'ollaq mashe ime da somayepi ca'ai ye Egipto.