Éxodo 40:2 - La'aqtaqa Ñim Lo'onatac 'Enauacna 2013

² «Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Éxodo 40:2 Referans Kwoze

Éxodo 26:30

Nache da 'auo'ot que'eca npe'l, qalaq 'aue'enaxatchigui da lataxac som 'am sachaxana co'ollaq huaña añi qasoxonaxa.

Éxodo 13:4

Qami' qaunoxoñiiuec ne'ena na'a'q maye huetoigui na ca'agoxoic le'enaxat Abib.

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Éxodo 40:6

Qataq aca nca'atoxonaxalate da qaỹavigaxat ca nachetaqtaxanaxat, nache 'aỹa'anaña ca naloteuga ca ñegueuo ca npe'l.

Éxodo 36:18

Qataq qaỹo'ot so cincuenta lemaxatpi chegaqaigui na lcat bronce, da yaqto' qoỹemaxa't se'eso npe'l.

Éxodo 35:11

nanataqa' maye huaña da qanauane' Ñim Nataxala', nache ỹo'ot aca lauoqtepi, qataq ca lo'oxonaxala'pi acamaye qataq ca l-llecnaxanaxatpi, qataq ca lemaxaquipi ca lquetpi da yaqto' nllañi que'eca npe'l,

Éxodo 30:36

Qataq 'aulaxachigui ca laỹe camaye, ỹataqta huesotchigui 'anqa'en, nache 'auachichiguiña ca saqaỹapeque aca laỹe' caua nqataxaco, maye netaigui ca npe'l maye huaña qome da 'am ñauane'. Qaq que'eca nchenaxanaxat camaye ỹataqta sa qaỹa'ashaxaatac,

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Éxodo 26:7

'Auo'ot nataqa'en qome caua once ca no'oxonec quetaq laue, yaqto' nache lapoxot ca ndaqa' maye qui'itta.

Éxodo 26:1

«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

Éxodo 19:1

So Israel le'ecpi ivita ye toolec 'alhua Sinaí, co'ollaq mashe ivi' soua tres ca'agoxoiqa da ca'ai ye Egipto.

Éxodo 40:1

Ñim Nataxala' 'enapega so Moisés, 'eeta':

Números 9:1

Qaq co'ollaq mashe ivita so 'oonolec ca'agoxoic so vi'i dos, da so Israel le'ecpi ca'ai ye Egipto. Nache Ñim Nataxala' 'enapega so Moisés, co'ollaq huaña ye toolec 'alhua ye Sinaí, nache 'eeta':

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

1 Crónicas 17:5

Qaq chegoqta'a se'eso na'a'q co'ollaq ñeqatec na Israel le'ecpi, choche ivitta'a nagui da saishet da sootaigui aca atamnaxaqui, nacherata da sootaigui naxa ñi npe'l maye choche qanqochenaxatta.

2 Crónicas 29:3

Qaq so la'auaxanec vi'i de'era lo'onataxanaxac somaye, qataq huetoigui so la'auaxanec ca'agoxoic da ỹauatoigui so lasompi aso atamnaxaqui maye lalamaqte Ñim Nataxala', da yaqto' ỹaỹamaxaañi asomaye.

Ezequiel 40:1

Co'ollaq mashe ivi' soua veinticinco vi'iye da souaqtaigui da qancoñetaguec, nache aỹem ỹashel-lec Ñim Nataxala', nache aỹem ỹauega ye Jerusalén. Qaq de'era huaigui so na'a'q diez, so la'auaxanec ca'agoxoic, qaq mashe ivi' soua catorce vi'iye da noxonec co'ollaxa ye Jerusalén.

Ezequiel 45:18

Aỹem Nataxala' shenapec: ca la'auaxanec na'a'q, ca la'auaxanec ca'agoxoic, nache qami' iuen da qaỹa'añeeuo ca huaca llalec, maye qaica ca lque'emaxa da qarachetaqtaxanaxache, da yaqto' qaiỹouec na nasouaxashetpi da huaña añi atamnaxaqui.