Éxodo 40:18 - La'aqtaqa Ñim Lo'onatac 'Enauacna 2013

¹⁸ Nache so Moisés ỹa'ara't so npe'l, ỹa'auaxaañi ỹo'ot so lo'oxonaxala', qataq ỹa'ayiñi aso lauoqtepi. Ime, nache lapaxauo so 'epaqpi, qataq ỹaarasheguem soua la'axasoxola'ate so l-llecnaxanaxatpi.

Éxodo 40:18 Referans Kwoze

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

1 Timoteo 3:15

yaqto' da aỹem lcopa'aguet, qalaxaye mashe lhuotta da 'auaỹaten ca lataxac ca 'oonolec nam llalaqpi Ñim Lo'onatac 'Enauacna, maye nachena nam ỹa'amaqten Ñim Lo'onatac 'Enauacna maye ỹataqta nca'altauec. Namayepi nachena na nlletañi qataq npaxattalec da 'eesa lataxac.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Isaías 33:24

Nache nam hueta'a yemaye qaica qome ca, 'eeta': «Aỹem sano'on.» Cha'aye Ñim Nataxala' ỹapalaxat qome na lasouaxashetpi nam hueta'a ye Sión.

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Éxodo 40:2

«Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Éxodo 40:17

Qaq ivi' co'ollaxa soua dos vi'iye da qanayeca'ai ye Egipto, nache so la'auaxanec na'a'q so la'auaxanec ca'agoxoic, nache huetoigui da qanauaxaỹaxaasheguem so npe'l.

Éxodo 40:19

Ime, nache ỹaueguelec so lapo' so npe'l, maye huaña da qanauane' Ñim Nataxala'. Qataq npa'axanasheguem so lỹa lapoxot na pa'asheguem somaye, nache ỹataqta ipacchigui da ỹamaxalec co'ollaxa Ñim Nataxala'.

2 Samuel 7:6

Cha'aye nache chegoqta'a so na'a'q co'ollaq ca'ai ñaqa'en ye Egipto na Israel le'ecpi, nache ivitta'a nagui da saishet da sootaigui ca nỹec, nacherata da sootaigui naxa na npe'lolec.