Éxodo 40:17 - La'aqtaqa Ñim Lo'onatac 'Enauacna 2013

¹⁷ Qaq ivi' co'ollaxa soua dos vi'iye da qanayeca'ai ye Egipto, nache so la'auaxanec na'a'q so la'auaxanec ca'agoxoic, nache huetoigui da qanauaxaỹaxaasheguem so npe'l.

Éxodo 40:17 Referans Kwoze

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Números 9:1

Qaq co'ollaq mashe ivita so 'oonolec ca'agoxoic so vi'i dos, da so Israel le'ecpi ca'ai ye Egipto. Nache Ñim Nataxala' 'enapega so Moisés, co'ollaq huaña ye toolec 'alhua ye Sinaí, nache 'eeta':

Éxodo 40:16

Nache so Moisés ipacchigui da ỹo'ot 'enauac dam ỹamaxalec Ñim Nataxala'.

Éxodo 40:18

Nache so Moisés ỹa'ara't so npe'l, ỹa'auaxaañi ỹo'ot so lo'oxonaxala', qataq ỹa'ayiñi aso lauoqtepi. Ime, nache lapaxauo so 'epaqpi, qataq ỹaarasheguem soua la'axasoxola'ate so l-llecnaxanaxatpi.

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Números 10:11

Qaq se'eso na'a'q veinte so lỹa ca'agoxoic soua dos vi'iye, nache so lo'oc ca'ai so npe'l, maye netaigui aso arca maye laỹe' da aỹamaxataxac.

Éxodo 12:2

«Ne'ena ca'agoxoic nachena qome na huo'o naq 'enec qanqa'eñi, qataq nachena na la'auaxanec ca'agoxoic na vi'i.