Éxodo 40:15 - La'aqtaqa Ñim Lo'onatac 'Enauacna 2013

¹⁵ Nache 'aucoreleguete nataqa'en ca ncoraxanaxat, nache qoneteguema 'anqa'en ñi Aarón, da yaqto' itaxaỹaxanaxanqa. Qaq de'era 'eetec da qaicoreleguete ñiimaye, nachera da chochaq tatec llecỹaxac qome cam chegoxoguetpi.»

Éxodo 40:15 Referans Kwoze

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Salmos 110:4

Ñim Nataxala' mashe ỹan co'ollaxa so la'aqtac, qaq saishet qome da ỹe'eguelaxa da ntogottac, «Da 'am, nache 'eetai' qome da 'am ntaxaỹaxanaxanec, nache qoneta'am da lataxac so Melquisedec.»

Hebreos 7:7

Qaq qomi' 'enauac saỹaanaq, da cam ỹaalec ca no'on la'aqtac ca lỹa, nache camaye ỹactec da la'amaqchec, saq 'ena'am cam ỹaalec ca la'aqtac.

Hebreos 7:3

Qaq somaye, qaica ca ỹaỹaten ca le'enaxa't caua lta'al qataq cam chegoxoguet lauo', nataqa'en saishet da qaỹaỹaten ca hua'ague co'ollaq ñiguiñi qataq ca huaña da ileu. Qaq ỹoqo'oye so Melquisedec da lo'onataxanaxac da ntaxaỹaxanaxanec, 'eeta'am So Llalec Ñim Lo'onatac 'Enauacna da chochaq tatec da ntaxaỹaxanaxanec da qaitaxaỹapegue' Ñimaye.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 30:31

qataq 'aua'aqtaxanem qome na Israel le'ecpi ne'ena iqataxacpi, 'eeta': Ne'ena coraxat nache 'eetai' qome naua vi'iye da nache lcoraxat da huo'o ca qoỹaneuo da yaqto' qaiỹotauga.

Éxodo 29:9

Ime, nache nsaachiguilo 'anqa'en caua lasot alaxa, ñi Aarón qataq ñeua llalqa, nataqa'en 'anaxanaxanguilo caua lqaic alaxa. Qaq 'era da qonetec da yaqto' huo'o da 'eneque da 'aỹa'anaguilo da lo'onataxanaxa'c, qaq damaye nache 'eetai' qome da llecỹaxac ca ntaxaỹaxanaxanecpi.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 28:41

Qaq 'era da 'eetec da no'otaxac 'anqa'en ñi 'arqaỹa Aarón, qataq ñeua llalqa. Ime, nache 'aucoreleguete naua lqaigo ca aceite, da yaqto' huo'o da 'eneque, qataq 'auỹotaugalo da itaxaỹaxanaxanqa.

Éxodo 40:14

Qaq da ime, nache qaltaq 'anaueguereuo ñeua llalqa, nache ỹaayiñi 'anqa'en caua alogo maye lo'onataxanaxaqui'.

Éxodo 40:16

Nache so Moisés ipacchigui da ỹo'ot 'enauac dam ỹamaxalec Ñim Nataxala'.

Zacarías 4:14

Nache somaye aỹem ỹasateguet, 'eeta': «De'eraua dos, nacheraua daua nca'agui'she, da yaqto' huapegueto da lo'onataxanaxac Ñim Nataxala' maye lalamaqte 'enauac ana 'alhua.»