Éxodo 40:10 - La'aqtaqa Ñim Lo'onatac 'Enauacna 2013

¹⁰ Nataqa'en 'aucorelec ca ncoraxanaxat aca nca'atoxonaxalate da qaỹavigaxat ca nachetaqtaxanaxat, qataq 'enauac cam no'onataxatpi, nache ỹataqta 'auqui'itaxatta. Qaq acamaye nache ỹataqta sa qaishetapec.

Éxodo 40:10 Referans Kwoze

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Isaías 11:2

Qaq so Saqcha'a La'añaxac Ñim Nataxala' nache hueta'aguet qome camaye, nache ỹanem da laỹaanec, laỹaanataxanaxac, sanqalat, la'añaxac, lauattonaxanaxac, qataq ỹalaxaguet Ñim Nataxala'.

Levítico 8:11

Qataq siete da ichegoxolec so aceite aso nca'atoxonaxalate, nataqa'en ichegoxolec 'enauac so nhuenecpi maye chegaqaigui so lcat bronce, qataq so nỹoxonaxaqui qataq so lmala', nache ỹaneuo da ỹataqta qui'itta.

Éxodo 40:11

Nataqa'en 'aucorelec que'eca ncoraxanaxat ca nỹoxonaxaqui, qataq na pa'aguiñi camaye, nache camaye ỹataqta 'auqui'itaxatta.

Levítico 6:17

Qataq saishet da qaỹauot aca laỹepi aca'aca nachetaqtaxanaqte maye ỹaleeguet ana ỹasheeraxachigui ca ndaqñiguishec, cha'aye acamaye lalamaqte ñeua llalqa so Aarón. Qaq aca'aca laỹepi, acamaye ỹataqta sa qaishetapec, 'eeta'am aca nachetaqtaxanaqte maye sa imauaq da qaỹavigaxat.

Éxodo 30:29

Qaq 'era da 'eetec da 'auỹotauga camayepi da yaqto' sa qaishetapec, qaq da huo'o ca choche nhuoiguet camayepi nache nataqa'en iuen da qaiỹotauga».