Éxodo 4:31 - La'aqtaqa Ñim Lo'onatac 'Enauacna 2013

³¹ Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Éxodo 4:31 Referans Kwoze

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Éxodo 12:27

Nache qami' qoñiita' qome: Ñi'iñi shiguiỹac maye qaỹalauat da qanallec naigui da qaỹo'oxoren Ñim Nataxala'. Cha'aye Ñimaye co'ollaq ỹalauat so Egipto le'ecpi, nache napactaleguete naua lma'ate so Israel le'ecpi maye netaña ye Egipto, qaq 'era da 'eetec co'ollaq nca'alaxatec na qoyalaqpi.» Nache na Israel le'ecpi ỹa'alyiñi co'ollaxa naua l-llecte da yo'oxonnataxan.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Éxodo 2:25

Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.

Génesis 24:26

Nache so namaxashec ỹa'alyiñi naua l-llecte da ỹo'oxoren Ñim Nataxala',

1 Crónicas 29:20

Qaq co'ollaq ime, nache so David detaxaigui se'eso laỹoota'a't shiỹaxauapi, 'eeta': «Nagui, qavio'oxoreñi Ñim Nataxala' maye Qanatamnaxala'ai». Huaña, nache 'enauac se'eso laỹoota'a't shiỹaxauapi ỹo'oxoren Ñim Nataxala', maye Natamnaxala' soua hua'au' lta'al, nache nqollemñi da ỹa'aldoto naua l-llecte Ñim Nataxala' qataq so nta'a.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

2 Crónicas 20:18

Nache so Josafat, qataq 'enauac so shiỹaxauapi maye lma' ye Judá, qataq ye Jerusalén, ỹa'alyiñi naua l-llecte, nache ivira'aguet naqa'en na latap na 'alhua, da ỹo'oxoren Ñim Nataxala'.

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Génesis 29:32

Qaq aso Lea hualaxai co'ollaxa, nache huo'o so llalec, nache ỹanagui da le'enaxat Rubén, cha'aye 'enapeco': «Ñim Nataxala' ila'a co'ollaxa da saquicota. Qaq ỹoqo'oye nagui so ihua aỹem ỹauotec qome.»

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Éxodo 4:5

Qaq 'era qome da 'eetec da 'am qaỹa'amaqten da ỹataqta 'eesa da 'am nachaxana nam Nataxala', maye Natamnaxala' soua hua'au' 'arta'al, Natamnaxala' so Abraham, Isaac qataq so Jacob.

Éxodo 14:31

Nache so Israel le'ecpi co'ollaq ỹauaachigui da lta'araic la'añaxac Ñim Nataxala' maye ỹo'otec so Egipto le'ecpi. Huaña, nache ỹa'aldoto naua l-llecte Ñim Nataxala', nache ỹataqta ỹa'amaqten Ñimaye, qataq so lamaxashec Moisés.

Éxodo 19:8

Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.

Éxodo 19:9

Nache Ñim Nataxala' 'enapega so Moisés, 'eeta': «Aỹem, 'am ñachaxana qome, sootaigui ca sansattec lo'oc, yaqto' aỹem hua'aqchigui qome na shiỹaxauapi da 'am setaxaỹapegue', yaqto' namayepi nache 'eetai' qome da 'am ỹa'amaqten.» Nache so Moisés qaltaq ỹe'eguelaxalec da da'aqtaxanem Ñim Nataxala' da la'aqtac so shiỹaxauapi.

Éxodo 34:8

Nache so Moisés sa naỹaloxon da ỹa'alyiñi naua l-llecte da nqapaxaneguet na 'alhua da natamen.

Rut 1:6

Qaq huo'o so na'a'q nache aso Noemí, co'ollaq hueta'a ye Moab, nache hua'axaỹapeguelec da Ñim Nataxala' huo'o da lchoxonnataxanaxa so lalamaxat nhuo' Israel le'ecpi, nache vi'iiguet naqa'en se'eso nqouaxa.

Nehemías 8:6

Huaña nache so Esdras, ỹanot da llo'oxonnataxanaxac Ñim Lo'onatac 'Enauacna maye Qaica ca Ỹaqalanapec, qaq 'enauac somayepi ỹachaxaashegue'm naua lhuaxaye, ime nache 'enapec: «¡Aja', nache 'eetec, aja' nache, 'eetec!» Ime, nache 'enauac somayepi da ỹa'alyiñi naua l-llecte, nache iviraxata'aguet na latap na 'alhua, nache ỹo'oxoren Ñim Nataxala'.

Sofonías 2:7

Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.

Éxodo 33:10

Nache so shiỹaxauapi da ila'a se'eso lo'oc da ỹapolec so ñegueuo se'eso npe'l, nache somayepi ỹa'alyiñi naua l-llecte, netaña na laso'omi so maiche lpe'lpi da yo'oxonnataxan.

2 Crónicas 7:3

Qaq so Israel le'ecpi co'ollaq ỹauaachigui da naañi so norec qataq da llo'oxoyec Ñim Nataxala' talec aso atamnaxaqui, nache somayepi ỹa'alyiñi naua l-llecte nache iviraxata'aguet na latap so coma', nache ỹo'oxoren qataq ỹanot da na'achecỹaxac Ñim Nataxala', 'eeta': «Ñim Nataxala' ỹataqta soxoraic, qaq da lauotaxanaqtaic chochaq tatec.»

2 Crónicas 32:8

Namaye nteetacot da la'añaxac nam ỹalleppi, qomi' qalaxaye ñetenaqtacot Ñim Nataxala' maye Qanatamnaxala', Ñim qomi' itaua'n da seloquiaxai' namayepi.» Qaq co'ollaq qaỹa'axaỹa da la'aqtac so nta'a Ezequías, nache so shiỹaxauapi nomteguet da la'añaxac.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.