Éxodo 4:27 - La'aqtaqa Ñim Lo'onatac 'Enauacna 2013

²⁷ Qaq Ñim Nataxala' sogote da 'enapega so Aarón, 'eeta': «'Anqo'ona qome ye toolec 'alhua da 'auqata'aguet na Moisés». Nache so Aarón jec, qaq nache natena'aguet so Moisés co'ollaq hualec añi qasoxonaxa maye lalamaqte Ñim Lo'onatac 'Enauacna. Huaña nache nquine' qataq napigoxoi' somaye.

Éxodo 4:27 Referans Kwoze

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Hechos 10:20

Qoñisheguem, 'aunotec, nache 'auca'ateguelo daamaye. Saishet da huo'o ca 'ectega, cha'aye daamaye maiche ỹamaxa'she.

Eclesiastés 4:9

Qaq ỹactec da 'onaxaic da dos caua ntaueetega't shiỹaxau', cha'aye ishet da lta'araic cam ỹachegoxotraigui dam lo'onataxanaxa'c.

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Génesis 29:11

Qaq ime, nache iquin qataq napigoxoi', nache nỹen.

Éxodo 4:26

Nache Ñim Nataxala' co'ollaq ỹauaachigui da ỹo'ot aso Séfora, nache hua'aqta'a da jec so Moisés, cha'aye asomaye mashe 'enapec da ỹataqta 'itchiguiñi da lhua so Moisés, chegoqchigui so ntago'q souaxat so na'anaxat na lo'oc so llalec.

Éxodo 18:5

Nache so Moisés nmataqa' co'ollaxa ye toolec 'alhua, maye sa qaỹapeque añi qasoxonaxa maye lma' Ñim Lo'onatac 'Enauacna. Qaq nacheye ye taỹa co'ollaxa so Jetro, nnaictague' aso llale maye lhua so Moisés, qataq soua llalqa somaye.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Éxodo 24:13

Ime, nache ñesheguem so Moisés, nache tasheguemec aso qasoxonaxa maye lma' Ñim Lo'onatac 'Enauacna, nnaictague' so ltaua le'enaxat Josué.

Salmos 105:26

Huaña nache Ñim Lo'onatac 'Enauacna ỹamaq so lamaxashec Moisés qataq so Aarón maye lca'agui'she co'ollaxa,