Éxodo 4:22 - La'aqtaqa Ñim Lo'onatac 'Enauacna 2013

²² Nache 'am qome qonapega ñi faraón, qoneta': Ñim Nataxala' da la'aqtac 'eeta': ‹So Israel nacheso so la'auaxanec ỹalec›.

Éxodo 4:22 Referans Kwoze

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

Jeremías 31:9

Nache natameeta'aguet qataq nỹeeta'aguet qom anacta. Qaq Aỹem queteueegue qome ñaqa'en ca la'auaxac qataq ca nalochiguiñi nqa'aic da yaqto' saishet da depoxolaxaañi. Cha'aye Aỹem lta'a so Israel, qaq so Efraín qalaq nacheso so ỹalec ỹe.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Isaías 63:16

¡'Am Nataxala', nache 'am maye 'am qarta'a! Na'aictaxa so Abraham da saishet da qomi' ỹauatto'n, qataq so Israel da saishet da qomi' ntooneque, qalaxaye 'am Nataxala', nache 'am maye 'am qarta'a, qataq nache 'eetai' co'ollaxa da 'am qarca'alaxaqui.

Deuteronómio 14:1

Ñim Nataxala' maye Qanatamnaxala'ai, Ñimaye qami' llalqa. Qaq ỹoqo'oye da huo'o ca ileu, nache saishet da huo'o ca ipelec na lo'oc, qataq saishet da huo'o ca namarec na lqaic souaxat ca lasouaxac.

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Mateo 2:15

nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Éxodo 6:11

«'Aue, qojec, nache qonapega ñi faraón da ỹasheeta da ca'ai qome ne'ena 'alhua na Israel le'ecpi.»

Éxodo 7:16

Qaq nache huaña yemaye qome, da qonapega, qoneta': ‹Ñim Nataxala' maye Natamnaxala' na hebreopi, Ñimaye aỹem namaq da 'am shenapega da 'aua'aqta'a na lalamaxatpi Ñimaye da taỹa ye toolec 'alhua da natamnot. Qalaxaye ñaq 'eetalec nagui da saishet da 'aualaq›

Salmos 89:27

Qaq Aỹem, sanem qome da 'eeta'am da 'enec ca na'auaxanec ñalec, qataq da nataỹaña na nta'alpi maye netalec ana 'alhua.

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

Jeremías 2:14

So Israel saishet da nlatac, somaye saishet da ñiguiñi co'ollaxa da yaqto' nlatac. Qaq ¿ta'ainco' qone' da qanhuotta?

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›